G÷ngu- og vi­bur­adagskrß Cavalierdeildar HRF═ 2017 - 2018

Við minnum fólk á að breyting getur orðið á gönguleiðum, vegna veðurs, sérstaklega yfir vetrartímann og biðjum fólk að fylgjast með að morgni göngudags á viðburðasíðu deildarinnar:  „Cavalierar HRFÍ, got og aðrir viðburðir“ á facebook https://www.facebook.com/groups/234045040119363/  
Vinsamlegast athugið í lausagöngum að yfirgefa ekki hópinn án þess að láta annað fólk vita svo hægt sé að kalla hundana til sín.  Við höfum því miður lent í því að hundar hafi týnst því að þeir leggja af stað með öðru fólki og hundum.
Við hvetjum ykkur til að mæta í þessar sameiginlegu gönguferðir og viðburði, þar gefst cavaliereigendum tækifæri til þess að kynnast og hundarnir læra að umgangast aðra hunda.  Einnig viljum við benda á að flexítaumar eru ekki æskilegir í taumgöngur vegna slysahættu.  Fólk sem er með lóðatíkur er vinsamlegast beðið um að taka lóðatíkur ekki með í göngurnar og skal miða við 5 vikur frá því að tík byrjar að lóða.

Göngudagskrá:

  1. júní 2017, miðvikudagur kl. 19:00 – Valaból, Valahnjúkar
    Hittumst við kirkjugarðinn í Hafnarfirði og ökum í samfloti að upphafstað göngu (ekki að Kaldárseli).  Göngum í Valaból og þeir sem vilja ganga lengra,  ganga áfram í kringum Valahnúka. Áð verður í Valabóli sem er í fallegum lundi, ekki erfið ganga. Best að vera í góðum skóm og gott að taka með sér nesti og vatn fyrir hundana. Reiknum með ca. 2 tímum í þessa göngu. Við byrjum á að hafa hundana í taumi en getum svo sleppt þeim lausum og munið eftir skítapokum. Við viljum benda á að flexítaumar eru ekki æskilegir í taumgöngur vegna slysahættu.

    12. júlí 2017, miðvikudagur kl. 19:00 -  Rauðavatn um Paradísadal
    Við hittumst á bílaplani bak við prentsmiðju Morgunblaðsins að Hádegismóum og göngum þaðan á malarstígum á heiðina ofan Rauðavatns og má áætla 2 klst. í gönguna. Tilvalið að taka með sér nesti og munið eftir vatni fyrir hundinn. Lausaganga, en munið eftir skítapokum.

    16. ágúst 2017, miðvikudagur kl. 19:00 – Stórhöfði, Hvaleyrarvatn
    Við hittumst við kirkjugarðinn í Hafnarfirði og keyrum í samfloti upp að Hvaleyrarvatni og þar fara allir hundar í taum. Gengið er upp að fellinu Stórhöfða sem er aðeins fyrir ofan vatnið og þar getum við sleppt hundunum lausum. Gangan er svona einn tími en með stoppi getur hún orðið 2 tímar. Gott er að vera í góðum skóm og jafnvel með nesti og vatn fyrir hundana. Munið eftir skítapokum.

    6. september 2017, miðvikudagur kl. 19:00 – Mosfell, Mosfellsdal
    Við hittumst á planinu við KFC í Mosfellsbæ og ökum saman sem leið liggur um Þingvallaveg að kirkjunni í Mosfellsdal. Lausaganga. Þetta er hingur með 200m hækkun og 4 km ca 1,5 klst. Munið eftir skítapokunum og vatni fyrir hundana.

    8. október 2017, sunnudagur kl. 13:00 – Mosfellsbær og gerði
    Við hittumst við Íþróttahúsið við Varmá. Genginn verður hringur um Mosfellbæ. Gengið verður upp í Reykjabyggð og til baka með Varmánni um Álafosshvos og endað í leik í gerðinu í Mosó sem er skammt frá Íþróttahúsinu. Áætlaður tími 2 tímar. Gangan sjálf er taumganga, við viljum benda á að flexítaumar eru ekki æskilegir í taumgöngur vegna slysahættu.  Munið eftir skítapokunum. 

    10. desember 2017, sunnudagur kl. 13:00 – Aðventukaffi í Sólheimakoti
    Hið árlega aðventukaffi cavalierdeildarinnar verður sunnudaginn 10. desember kl. 13:00. Að þessu sinni verður aðventukaffið í Sólheimakoti, félagsheimili HRFÍ. Þar fá hundar og menn að leika lausum hala inni og jafnvel úti, auk þess sem stigahæstu hundar ársins verða heiðraðir. Allir koma með eitthvað á sameiginlegt aðventuhlaðborð en deildin býður upp á kaffi og gos.
    Stólar og borð eru á staðnum. Hver og einn ber ábyrgð á sínum hundi og sér um að þrífa upp eftir hann.
    7. janúar 2018, sunnudagur kl. 13:00  – Nýársganga í kringum Reykjavíkurtjörn
    Okkar árlega nýársganga.  Við hittumst við Ráðhúsið í Reykjavík og göngum í kringum tjörnina einn eða tvo hringi.  Allir hundar í taumi, við viljum benda á að flexítaumar eru ekki æskilegir í taumgöngur vegna slysahættu. Munið eftir skítapokunum.

    4. febrúar 2018, sunnudagur kl. 13:00 – Seltjarnarnes
    Hittumst við Gróttu og göngum meðfram ströndinni í átt að golfvellinum og göngum í kringum hann.  Létt ganga á sléttlendi.  Allir hundar í taumi, við viljum benda á að flexítaumar eru ekki æskilegir í taumgöngur vegna slysahættu. Munið eftir skítapokum.

    11. mars 2018, sunnudagur kl. 13:00 – Grafarvogur
    Hittumst við Grafarvogskirkju og göngum saman hringinn í kringum Grafarvog, rétt rúmlega 4 km.  Ef veður er gott er hægt að bæta við hring upp að Keldum og þá er hringurinn 5 km.  Þetta er taumganga, við viljum benda á að flexítaumar eru ekki æskilegir í taumgöngur vegna slysahættu. Munið eftir skítapokum.

    11. apríl 2018, miðvikudagur kl. 19:00 – Elliðárdalur
    Við hittumst á bílastæðinu fyrir neðan veg á móti Dýraspítalanum í Víðidal og göngum um efri hluta Elliðárdals.  Þetta er taumganga, við viljum benda á að flexítaumar eru ekki æskilegir í taumgöngur vegna slysahættu. Munið eftir skítapokum.

    16. maí 2018, miðvikudagur kl. 19:00 – Reynisvatn Grafarholti
    Við komum saman á bílastæðinu við Húsasmiðjuna í Grafarholti og ökum í samfloti gegnum öll hringtorgin að Reynisvatni.  Göngum í kringum vatnið og komum við í skemmtilegum lundum. Gengið verður síðan upp á heiðina fyrir ofan vatnið þar sem hægt er að hleypa hundunum lausum.  Munið eftir skítapokum.

Einnig munum við setja inn á viðburðasíðu deildarinn „Cavalierar HRFÍ, got og aðrir viðburðir“ á facebook https://www.facebook.com/groups/234045040119363/ aðrar göngur t.d. eins og Helgafell Hafnarfirði / Mosfellsbæ, Úlfarsfell eða aðrar göngur með stuttum fyrirvara.

Viðburðadagskrá:

Reglulegir hittingar í gerðum auglýst á „Cavalierar HRFÍ, got og aðrir viðburðir“ á facebook https://www.facebook.com/groups/234045040119363/ með stuttum fyrirvara. Gerðin í Mosfellsbæ, Laugardalnum eða   Breiðholti.

  1. júní Hvolpahittingur nánar auglýst síðar. Fyrir Cavalier hvolpa fædda árið 2016 og 2017 en sem hafa náð 3ja mánaða aldri og fullbólusettir!

Einnig verður: Hundafimi, fræðsla um feldhirðu, skyndihjálp, almenn umhirða, tannhirða, merkjamál. og jafnvel fleira eða annað ef ábendingar berast. Allir viðburðir auglýstir tímanlega inni á „Cavalierar HRFÍ, got og aðrir viðburðir“ á facebook https://www.facebook.com/groups/234045040119363/

Göngu-og viðburðanefnd Cavalierdeildar HRFÍ

Anna 8648280

Sella 6593993

Þóra 6925191