Fréttir frá aðalfundi deildarinnar

Aðalfundur Cavalierdeildar HRFÍ var haldinn þann 6. mars 2018. Auk stjórnar mættu 14 fundargestir.

Formaður flutti skýrslu stjórnar fyrir árið 2017 og síðan var kosið í stjórn. Hrönn Thorarensen og Bryndís Óskarsdóttur höfðu lokið 2ja ára kjörtímabili og gaf Hrönn kost á sér áfram en Bryndís ekki. Valka Jónsdóttir bauð sig fram til stjórnar og þar sem fleiri gáfu ekki kost á sér voru Hrönn og Valka sjálfkjörnar.

Stjórnina skipa nú: 
Gerður Steinarrsdóttir, formaður
Ingibjörg E.Halldórsdóttir, varaformaður
Hrönn Thorarensen, ritari
Þóra M.Sigurðardóttir
Valka Jónsdóttir

Næst var skipað í nefndir:
Kynningarnefnd:
Í kynningarnefnd eru þær Halldóra Konráðsdóttir, Ingibjörg E. Halldórsdóttir, Gerður Steinarrsdóttir, Þóra M. Sigurðardóttir og Steinunn Rán Helgadóttir. Steinunn Rán kemur í stað Maríu Tómasdóttur sem gaf ekki kost á sér áfram í nefndina.

Göngu- og viðburðanefnd: Vegna dræmrar þátttöku í göngum undanfarin misseri ákvað stjórn að þessi þáttur deildarinnar yrði endurskoðaður þegar ný stjórn tæki við. Það er þvi engin starfandi göngu- og viðburðanefnd eins og er.

Ræktunarráð: Í ræktunarráði sitja áfram Gerður Steinarrsdóttir, Ingibjörg E.Halldórsdóttir og María Tómasdóttir.

Undir önnur mál var rætt um rakkalista deildarinnar og lagði formaður áherslu á að ræktunarstjórn væri fyrst og fremst ráðgefandi aðili um allt er viðkemur ræktun og að á rakkalista á hverjum tíma væru allir rakkar sem hafa uppfyllt þær heilsufarkröfur sem gerðar eru til tegundarinnar og hafa verið sýndir með viðunandi árangri. Þegar pörunarbeiðnir berast er rakkalistinn unninn eftir því sem hæfir hverri tík með tilliti til skyldleika og litar.

Hrönn Thorarensen ræddi um brot á ræktunarreglum deildarinnar og HRFÍ og hversu alvarlegar afleiðingar slíkt hefði gagnvart tegundinni, deildinni, HRFÍ og ekki síst hvolpakaupendum.

Nokkur átök voru á fundinum vegna breytinga á göngu- og viðburðanefnd, að öðru leyti var fundurinn ánægjulegur og þakkar stjórn fundargestum kærlega fyrir komuna.

Fundi var slitið kl. 21.15

Að fundi loknum var gestum boðið upp á kökuhlaðborð í boði stjórnar og göngunefndar. Eftir veitingar og spjall flutti Þórhildur Bjartmarz erindi um umhverfisþjálfun hvolpa og fullorðinna hunda. Áhugavert og fróðlegt erindi hjá Þórhildi og þakkar stjórnin henni kærlega fyrir komuna.

(Skýrsla stjórnar er undir Deildin - ársskýrslur )