Flokkaskipt greinasafn: Uncategorized

Fóðrun hunda.

Þú getur gefið hundinum þínum að borða einu sinni eða tvisvar á dag. Best er að gera það tvisvar á dag með 8-12 klukkustunda millibili. Ef þú ert að gefa mat tvisvar á dag, skaltu skipta upp ráðlögðu sólahringsmagni sem gefið er upp á umbúðunum því annars  ertu að gefa tvöfalt það sem hundurinn þarf. Mikilvægt er að hafa alltaf óheftan aðgang að fersku vatni.

Eldri hundum ætti að gefa aðeins minna magn en upp er gefið fyrir fullorðna hunda.

Verðlaun/aukabiti ætti ekki að vera meira en 10 prósent af heildar hitaeiningainntöku dagsins og þarf að draga það frá því sólahringsmagni  sem hundurinn fær.

Hundar sem eru á hráfæði eða heimaelduðu ættu á hverjum sólahring að þurfa magn sem svarar til 2-3 % af heildarþyngd þeirra, en ef verið er að megra þá, af æskilegri þyngd eftir megrun.

Offitujafnan er í raun mjög einföld. Hundar sem neyta fleiri hitaeininga en þeir brenna þyngjast. Svo til þess að léttast…

Lesa áfram Fóðrun hunda.

Áhugaverð og spennandi NKU Norðurlandasýning HRFÍ 20. – 21. ágúst

NKU Norðurlandasýning og fer fram dagana
20.-21. ágúst og verður haldin á Víðistaðatúni í Hafnarfirði

Keppni ungra sýnenda fer fram á laugardegi.

Dómarar helgarinnar verða: 
– Annette Bystrup (Danmörk),
– Arvid Göransson (Svíþjóð),
– Henric Fryckstrand (Svíþjóð),
– Jussi Liimatainen (Finnland),
– Laurent Heinesche (Lúxemborg),
– Massimo Inzoli (Ítalía),
– Sjoerd Jobse (Svíþjóð),
– Tiina Taulos (Finnland) og
– Viktoría Jensdóttir (Ísland).

Fyrri skráningafrestur lýkur þann 10. Júlí kl 23:59  og lokast alfarið fyrir skráningu þann 24. júlí kl 23.59
– Gjaldskrá 1: sunnudagurinn 10. júlí, kl. 23:59
– Gjaldskrá 2: sunnudagurinn 24. júlí, kl. 23:59

Hvetjum við Cavalier eigendur að láta þessa sýningu ekki fram hjá sér fara.

Skráning fer fram á hundavef HRFÍ http://www.hundavefur.is
Nánari upplýsingar má finna á vef HRFÍ hér

Ganga um tjörnina í Reykjavík

Mynd: Svanhvít

Laugardag 12. mars hittumst við hjá Ráðhúsi Reykjavíkur og gengum umhverfis tjörnina í Reykjavík. Margir fóru tvo hringi en sumir létu einn hring nægja. Það voru átta manns mættir með níu hunda. Upphaflega átti gangan að vera í Paradísardal en vegna leysinga og veðurs undanfarið var ákveðið að fara frekar umhverfis tjörnina í Reykjavík. Færðin var góð og fengum við bæði sól og snjókomu. Þetta var síðasta skipulagða ganga göngunefndarinnar þetta starfsárið og óskum við eftir fólki í nýja göngunefnd sem skipuð verður á ársfundi deildarinnar 17. mars nkþ

Kveðja göngunefndin

Ganga um Reynisvatn, Grafarholti

Laugardag 12. febrúar kl. 12:00 verður fyrsta cavalier ganga ársins.

Við hittumst við Húsasmiðjuna í Grafarholti og ökum í samfloti að Reynisvatni.  Göngum í kringum vatnið og komum við í skemmtilegum lundum. Gengið verður síðan upp á heiðina fyrir ofan vatnið þar sem hægt er að hleypa hundunum lausum.  Munið eftir skítapokum.

Dásamleg ganga um Stórhöfða í Hafnarfirði

Gönguhópurinn. Á myndina vantar hundana Gismo, Úlfu sem vildu miklu frekar hlaupa og leika sér.

20. nóvember 2021 dásamlegur dagur þar sem yndislegt fólk mætti með ferfætlingana sína í göngu í kringum Stórhöfða í Hafnarfirði. Hópurinn var ekki sá fjölmennasti en þó fyllti hann tæpa tvo tugi, 12 manns og 7 hundar. Kannski ekki skrítið á þessum tímum með veiruskrattan á flugi.

En það sem við nutum okkur í stórbrotnu landslagi, með demantana okkar og sólargeislar dönsuðu allt í kringum okkur og okkar fallegu hunda. Við fórum hægt yfir og gengum í rúman einn og hálfan klukkutíma með góðum stoppum. Fegurðin var þvílík og veðrið lék við okkur öll allan tímann. Það var samt dálítil hálka svo góðir skór komu sér vel.

Lesa áfram Dásamleg ganga um Stórhöfða í Hafnarfirði

Takk fyrir komuna í gönguna í Sólheimakoti

Fimmtudaginn 26. ágúst var sumarskemmtun þ.e. ganga og grill í Sólheimakoti.

Þar hittust um 40 hundar og eigendur þeirra sem voru einnig um 40 manns.

Veðrið var þurrt en dumbungur og aðeins blés þannig að hár og grös bærðust. Genginn var stuttur hringur þar sem margir hundar fengu að hlaupa um lausir. Þarna mátti sjá hunda á öllum aldri eða frá 3 mánaða og upp úr.

Eftir göngu setti fólk sitt hvað á grillið og naut samverunnar við fólk og hunda. Þökkum við kærlega fyrir hversu margir sáu sér fært að mæta og þessa skemmtilegu stund.

Lesa áfram Takk fyrir komuna í gönguna í Sólheimakoti