Cavalierdeild hélt tvöfalda deildarsýningu helgina 18.-19. apríl í húsnæði HRFÍ í Hafnarfirði. Á sunnudeginum dæmdi Mark Sedgwick frá Bretlandi og þá voru sýndir 10 hvolpar, 16 rakkar, 32 tíkur, 4 ræktunarhópar, 1 afkvæmahópur og 2 pör. Sóley Halla Möller var sýningarstjóri og hringstjóri, Erla Heiðrún Benediktsdóttir og Sigríður Margrét Jónsdóttir sáu um ritun dóma og aðstoð í hring og Alex Andri Írisar var ljósmyndari sýningar. Í lok dags var einnig keppni ungra sýnenda sem Karen Ösp Guðbjartsdóttir dæmdi. Við þökkum þeim kærlega fyrir vel unnin störf.

Vinningshafar í öllum flokkum auk fjögurra bestu rakka og tíka í úrslitum fengu rósettur og gjafapoka frá Dýrabæ, BOB og BOS fengu einnig sér rósettur. Besti hvolpur, besti ungliði, besti öldungur, besta tík og rakki fengu bikara og hvolpar fengu þátttökumedalíur. Einnig fengu ungir sýnendur gjafapoka og rósettur en Dýrabær gaf öll verðlaun.

BH hönnun sá um skreytingar og Dýrabær veitti okkur góðan styrk, deildin færir þeim og sjálfboðaliðum sem aðstoðuðu á einn eða annan hátt bestu þakkir.

Besti hundur sýningar var ISW-25 Snjallar Silfraða Sylgja með íslenskt meistarastig sem var hennar þriðja og hún því nýkrýndur íslenskur meistari. Hún fékk bæði eignarbikar og farandbikar deildarsýninganna okkar, Maríubikarinn. Besti rakki var ISCh ISJCh RW-23 ISJW-23 Eros The Enchanting Dreamcatchers en meistarastigið gekk niður til PLJCh Fiorintino My First.

Besti ungliði var NORDICJCh ISJCh VOLJW-25 ISJW-25 Bonitos Companeros Jailbreak og besta ungliðatík Miðkots Tía með íslenskt ungliðameistarastig. Besti öldungur var Hafnarfjalls Selmu Karlotta með öldungameistarastig. Besti hvolpur 4-6 mánaða var Eldlukku Snotra Möndlu Perla, besti hvolpur 6-9 mánaða var Hafnarfjalls Klöru Bjartur og besta tík í þeim aldursflokki Snjallar Hrafntinnu Romsa.

Hafnarfjalls Unu Flóki og Hafnarfjalls Unu Tinna voru valin besta parið, besti afkvæmahópur var ISCh Cavalion (FCI) Blues Brothers ásamt þremur dætrum og besti ræktunarhópur kom frá Hafnarfjalls ræktun.

Nánari úrslit:

Cavalierdeild hélt tvöfalda deildarsýningu helgina 18.-19. apríl í húsnæði HRFÍ í Hafnarfirði. Á laugardeginum dæmdi Viera Stloukalová frá Slóvakíu og þá voru sýndir 12 hvolpar, 20 rakkar, 35 tíkur, 4 ræktunarhópar, 1 afkvæmahópur og 3 pör. Sóley Halla Möller var sýningarstjóri og hringstjóri, Erla Heiðrún Benediktsdóttir og Sigríður Margrét Jónsdóttir sáu um ritun dóma og aðstoð í hring og Hildur Sif Pálsdóttir var ljósmyndari sýningar. Við þökkum þeim kærlega fyrir vel unnin störf.

Vinningshafar í öllum flokkum auk fjögurra bestu rakka og tíka í úrslitum fengu rósettur og gjafapoka frá Dýrabæ, BOB og BOS fengu einnig sér rósettur. Besti hvolpur, besti ungliði, besti öldungur, besta tík og rakki fengu bikara og hvolpar fengu þátttökumedalíur, en Dýrabær gaf öll verðlaun.

BH hönnun sá um skreytingar og Dýrabær veitti okkur góðan styrk, deildin færir þeim og sjálfboðaliðum sem aðstoðuðu á einn eða annan hátt bestu þakkir.

Besti hundur sýningar var C.I.B. NORDICCh ISCh ISJCh RW-24-25 VOLW-25 ISW-23-24-25 Bonitos Companeros Mr. Spock og besta tík NORDICCh ISCh ISJCh RW-23-24-25 ISJW-23 ISW-24 Elixir D’Amour-Bl The Enchanting Dreamcatchers. Spock fékk auk eignarbikars afhentan Maríubikarinn sem er farandbikar deildarsýninga. Íslensku meistarastigin gengu niður til Gasekær’s Black Beautiful Gino og ISJCh RJW-25 Hafnarfjalls Karlottu Ísabellu.

Besti ungliði var NORDICJCh ISJCh VOLJW-25 ISJW-25 Bonitos Companeros Jailbreak en ungliðastigið gekk niður til Hafnarfjalls Elsu Alex. Besta ungliðatík með ungliðameistarastig var Miðkots Askja, þetta var hennar annað stig og hún því nýr íslenskur ungliðameistari. Besti öldungur var Hafnarfjalls Unu Tinna með öldungameistarastig. Besti hvolpur 4-6 mánaða var Eldlukku Snotra Möndlu Perla og besti rakki í sama aldursflokki Eldlukku Snotri Möndlu Tindur. Besti hvolpur 6-9 mánaða var Skaga Möndlu Rökkvi og besta hvolpatík Snjallar Hrafntinnu Romsa.

Eldlukku Vetrar Snjór og Eldlukku Auðar Melkorka voru valin besta parið, besti afkvæmahópur var ISCh Cavalion (FCI) Blues Brothers ásamt þremur dætrum og besti ræktunarhópur kom frá Mjallar ræktun.

Hér að neðan má sjá nánari úrslit:

Hundaræktarfélag Íslands í samvinnu við félag sýningadómara HRFÍ hélt hvolpasýningu sunnudaginn 12. apríl í reiðhöll Fáks í Víðidal. Samtals 115 hvolpar á aldrinum 4-9 mánaða voru skráðir og þar af 8 cavalier hvolpar en einn mætti ekki. Anna Guðjónsdóttir dæmdi okkar tegund.

Besti hvolpur 4-6 mánaða var Hafnarfjalls Klöru Bjartur og besta tík í sama aldursflokki Eldlukku Snotra Möndlur Perla. Besti hvolpur 6-9 mánaða var Seljudals Tinna. Dýrabær gaf verðlaunabikara og þátttökumedalíur.

Nánari úrslit:

Fyrsta sýning ársins 2026 var alþjóðleg og fór fram í reiðhöll Fáks í Víðidal helgina 21.-22. febrúar. Mjög góð skráning var í cavalier eða 60 hundar en óvenju mikið var um forföll í þetta sinn. Samtals voru sýndir 18 rakkar, 31 tík og 3 ræktunarhópar. Dómari var Anne Tove Strande frá Noregi, Dýrabær gaf verðlaun.

Besti hundur tegundar var ISJCh VOLJW-25 Esju Nætur Viktoría með íslenskt og alþjóðlegt meistarastig. Besti rakki tegundar var C.I.B. C.I.B.-J NORDICCh ISCh NOCh SECh DKCh NJubCh Pecassa’s Mister Power Of Sprudle. Því miður fékk enginn annar rakki meistaraefni og öll rakkameistarastig fóru því forgörðum.

Besti ungliði tegundar var Miðkots Askja með íslenskt og alþjóðlegt ungliðameistarastig. Besti öldungur tegundar var Hafnarfjalls Unu Tinna með íslenskt og alþjóðlegt öldungameistarastig.

Besti ræktunarhópur tegundar var frá Miðkots ræktun.

Nánari úrslit:

Hvolpasýning og keppni ungra sýnenda fór fram föstudagskvöldið 20. febrúar í reiðhöll Fáks í Víðidal. Sýndir voru 10 cavalier hvolpar sem Anne Tove Strande frá Noregi dæmdi. Dýrabær gaf verðlaun og þátttökumedalíur.

Besti hvolpur 3-6 mánaða var Hafnarfjalls Klöru Bjartur og komst hann í 7 hvolpa úrtak í úrslitum. Besta tík í sama aldursflokki var Snjallar Hrafntinnu Romsa.

Rakkar 3-6 mánaða (4)

1. sæti SL Hafnarfjalls Klöru Bjartur, eig. og rækt. Anna Þórðardóttir Bachmann
2. sæti SL Hafnarfjalls Klöru Rökkvi, eig. Helga Gunndís Þórhallsdóttir, rækt. Anna Þórðardóttir Bachmann
3. sæti SL Hafnarfjalls Klöru Elías, eig. og rækt. Anna Þórðardóttir Bachmann

Tíkur 3-6 mánaða (5)

1. sæti SL Snjallar Hrafntinnu Romsa, eig. og rækt. Steinunn Rán Helgadóttir
2. sæti SL Hafnarfjalls Klöru Yrsa, eig. og rækt. Anna Þórðardóttir Bachmann
3. sæti SL Hafnarfjalls Klöru Luna, eig. Berglind Ýr Kristinsdóttir, rækt. Anna Þórðardóttir Bachmann

Winter Wonderland & Ísland Winner sýning, þar sem gefin voru Norðurlandameistarastig og Crufts qualification, fór fram helgina 29.-30. nóvember en cavalier var sýndur á sunnudeginum. Dómari var Sara Nordin frá Svíþjóð sem sjálf er ræktandi í tegundinni. Meiriháttar skráning var hjá okkur eða samtals 61 hundur, þó einhver forföll hafi orðið. Þrír ræktunarhópar voru einnig sýndir. Vonandi heldur deildin áfram að fjölmenna svona á sýningar næsta árs. Dýrabær sem er okkar trausti styrktaraðili gaf verðlaunabikara eins og áður.

Besti hundur tegundar og einnig 4. besti hundur í tegundahópi 9 var C.I.B. NORDICCh ISCh ISJCh RW-24-25 VOLW-25 ISW-23-24 Bonitos Companeros Mr. Spock. Best af gagnstæðu kyni með íslenskt og Norðurlandameistarastig var Snjallar Silfraða Sylgja. Bæði fá þau titilinn Ísland Winner ‘25 og Crufts qualification. Íslenska rakkameistarastigið gekk niður til ISJCh VOLJW-25 Bonitos Companeros Jailbreak og Norðurlandameistarstigið til C.I.B. C.I.B.-J NOCh DKCh SECh ISCh Pecassa’s Mister Power Of Sprudle, sem verður þar með Norðurlandameistari.

Besti ungliði tegundar var ISJCh VOLJW-25 Bonitos Companeros Jailbreak og besta ungliðatík ISJCh Hafnarfjalls Elsu Emma. Bæði með Norðurlanda-ungliðameistarastig, titilinn ISJW-25 og Crufts qualification. Bonitos Companeros Jailbreak var að fá sitt annað Norðurlandastig og verður því Norðurlanda-ungliðameistari. Hann varð einnig í 4. sæti í keppni um besta ungliða tegundahóps 9.

Besti ræktunarhópur tegundar var frá Hafnarfjalls ræktun. Nánari úrslit má sjá hér að neðan:

Þann 28. nóvember var haldin hvolpasýning í reiðhöll Fáks í Víðidal. Samtals voru 9 cavalier hvolpar skráðir og dómari var Sara Nordin frá Svíþjóð. Dýrabær gaf verðlaun og þátttökumedalíur.

Besti hvolpur 6-9 mánaða var Miðkots Esja sem komst einnig í 6 hvolpa úrtak í úrslitum um besta hvolp sýningar. Einn rakki var skráður í flokk 3-6 mánaða og 3 í flokk 3-6 mánaða en Sara Nordin var nokkuð ströng í dómum og fengu þeir allir einkunnina lofandi. Henni leist betur á tíkur 6-9 mánaða og þar var sætaröðun eftirfarandi:

Tíkur 6-9 mánaða (5)

1. sæti SL Miðkots Esja, eig. María Árnadóttir, rækt. Sunna Gautadóttir
2. sæti SL Miðkots Askja, eig. og rækt. Sunna Gautadóttir
3. sæti SL Hafnarfjalls Birtu Bára, eig. Stefanía Vilhjálmsd. Reykdal, rækt. Anna Þórðardóttir Bachmann
4. sæti SL Snjallar Silfraða Snælda, eig. og rækt. Steinunn Rán Helgadóttir

Laugardaginn 25. október fór fram opin æfingasýning á vegum sýningadómaranefndar HRFÍ í reiðhöll Fáks í Víðidal. Þar fengu tilvonandi dómaranemar að spreyta sig og var góð skráning á sýninguna, samtals 160 hundar. Cavalierdeild lét sig að sjálfsögðu ekki vanta og voru skráðir 18 cavalier hundar.

Besti hundur tegundar var ISCh ISJCh RW-23 ISJW-23 Eros The Enchanting Dreamcatchers, dómari Sigríður Margrét Jónsdóttir. Best af gagnstæðu kyni var ISJCh VOLJW-25 Esju Nætur Viktoría. Úrslit um besta hund sýningar dæmdi síðan María Björg Tamimi og varð Eros þriðji besti hundur sýningar.

Besti hvolpur 3-6 mánaða var Eldlukku Töru Ögri. Besti hvolpur 6-9 mánaða var Miðkots Askja og besti rakki í sama aldursflokki Brellu Sahara Þinur Dropi.

Nánari úrslit: