Reykjavík Winner sýning HRFÍ fór fram á Víðistaðatúni í Hafnarfirði helgina 8.-9. júní. Eva Nielsen frá Svíþjóð dæmdi cavalier á laugardeginum, sýndir voru 10 hvolpar, 21 rakki, 27 tíkur og 4 ræktunarhópar. Dýrabær gaf verðlaunabikara og þátttökumedalíur fyrir hvolpa.

BOB var ISJCh RW-23 ISJW-23 Elixir D’Amour-Bl The Enchanting Dreamcatchers með íslenskt meistarastig, Norðurlandameistarastig og titilinn RW-24. Hún komst í 6 hunda úrtak í úrslitum tegundahóps. BOS var ISCh ISJCh ISW-23 Bonitos Companeros Mr. Spock með Norðurlandameistarastig og titilinn RW-24. Þetta var hans þriðja Norðurlandastig og hann því orðinn Norðurlandameistari.

Besti ungliði var Þórshamrar Freyju Daisy Kahlo með íslenskt og Norðurlanda-ungliðameistarstig en á þessari sýningu vou í fyrsta sinn veitt Norðurlandameistarastig í ungliða- og öldungaflokki.

Besti hvolpur 4-6 mánaða var Hafnarfjalls Karlottu Ísabella og besti hvolpur 6-9 mánaða Hafnarfjalls Birtu Linda. Besti öldungur var Ljúflings Myrra með íslenskt og Norðurlanda-öldungameistarastig.

Besti ræktunarhópur kom frá Hafnafjalls ræktun.

Nánari úrslit:

Cavalierdeildin hélt sérsýningu laugardaginn 20. apríl, í húsnæði HRFÍ að Melabraut 17 í Hafnarfirði. Hámarks skráning náðist á sýninguna, samtals 80 hundar, en fjórir forfölluðust. Sýndir voru 17 hvolpar, 26 rakkar og 33 tíkur en auk þess voru þrír ræktunarhópar, tveir afkvæmahópar og þrjú pör.

Dómari var Judith Echazarra frá Spáni, ræktunarnafnið hennar er De Los Ursidos Kodiak. Sýningarstjóri var Ágústa Pétursdóttir og dæmdi hún einnig keppni ungra sýnenda í lok dags, hringstjóri var Sóley Halla Möller, ritari Sigríður Margrét Jónsdóttir og ljósmyndari Sæunn Ýr. Deildin færir þeim bestu þakkir fyrir.

Vinningshafar í hverjum flokki og öll fjögur sætin í keppni um bestu tík og besta rakka fengu rósettur, sérstakar rósettur voru einnig fyrir BOB og BOS. Bestu hvolpar, ungliðar, besti öldungur, besta tík og rakki fengu bikara, allir hvolpar fengu medalíur og fjögur efstu sætin í hverjum flokki fengu mjög veglega gjafapoka frá Dýrabæ. Ungir sýnendur fengu rósettur og gjafir frá Body Shop. BH hönnun hafði umsjón með skreytingum og Dýrabær var styrktaraðili. Ekki er mögulegt að halda svona veglega sýningu án þess að fá góðan styrk og þökkum við Dýrabæ kærlega fyrir samstarfið.

Besti hundur tegundar og þá einnig besti hundur sýningar var ISJCh RW-23 ISJW-23 Eros The Enchanting Dreamcatchers. Best af gagnstæðu kyni og besti ungliði var Eldeyjarlilju Bonnie Tyler. Bæði fengu þau íslenskt meistarastig, Eldeyjarlilju Bonnie Tyler fékk auk þess ungliðameistarstig og fær titilinn ungliðameistari þar sem þetta var hennar annað stig.

Besti ungliðarakki með ungliðameistarastig var Eldlukku Vetrar Snjór og var hann einnig að fá sitt annað stig, við eignuðumst því tvo nýja ungliðameistara á þessari sýningu. Besti öldungur með öldungameistarastig var Ljúflings Myrra.

Besti hvolpur 3-6 mánaða var Hafnarfjalls Karlottu Rúrik og besta tík í sama aldursflokki Hafnarfjalls Karlottu Ísabella. Besti hvolpur 6-9 mánaða var Suloisen Super Mario og best af gagnstæðu kyni Snjallar Hrafntinnu Viska.

Besti ræktunarhópur og besti afkvæmahópur var frá Eldlukku ræktun. Esju Dare To Dream James Bond og Esju Nótt urðu besta parið.

Úrslit í öllum flokkum má sjá hér að neðan: