Flokkaskipt greinasafn: Göngur

Fyrsta ganga ársins

Síðasta sunnudag hittust nokkrir göngugarpar við Ráðhús Reykjavíkur í dálitlu roki en þó fínasta veðri. Farnir voru tveir hringir í kringum tjörnina og prúðu hundarnir okkar vöktu mikla athygli ferðamanna. Næsta ganga er áætluð 5. febrúar um Seltjarnarnes og vonumst við til þess að sjá sem flesta, en þessar sameiginlegu göngur eru góð umhverfisþjálfun og samvera sem allir njóta góðs af.

Jólaganga í Hafnarfirði

Jólaganga deildarinnar verður næstkomandi sunnudag, 11. desember. Hittumst á bílastæðinu fyrir framan Hafnarfjarðarkirkju og Tónlistarskólann. Taumganga um Hafnarfjörð og endum síðan á því að heimsækja jólaþorpið. Gaman væri ef sem flestir gætu komið í einhverju jólalegu t.d. með jólasveinahúfur, bæði menn og hundar. Í jólaþorpinu er síðan hægt að fá heitt kakó ef kalt er í veðri. Allir hundar í taumi, við viljum benda á að flexítaumar eru ekki æskilegir í taumgöngur vegna slysahættu. Munið eftir skítapokunum.

Hér má sjá viðburðinn á Facebook

Hlökkum til að sjá ykkur sem flest í jólaskapi 🙂

Hvaleyrarvatn og Stórhöfði

Næsta ganga deildarinnar verður sunnudaginn 16. október.

Við hittumst við kirkjugarðinn í Hafnarfirði kl. 12 og keyrum í samfloti upp að Hvaleyrarvatni og þar fara allir hundar í taum. Gengið er upp að fellinu Stórhöfða sem er aðeins fyrir ofan vatnið og þar getum við sleppt hundunum lausum.

Gangan er svona einn tími en með stoppi getur hún orðið 2 tímar. Gott er að vera í góðum skóm og jafnvel með nesti og vatn fyrir hundana. Munið eftir skítapokum og vatni fyrir hundana.

Við hvetjum ykkur til að mæta í þessar sameiginlegu gönguferðir en þar gefst cavaliereigendum tækifæri til þess að kynnast og hundarnir læra að umgangast aðra hunda.

Viðburðinn á Facebook má sjá með því að smella hér

Hlökkum til að sjá ykkur,
Göngunefnd Cavalierdeildar HRFÍ.

Ganga í Kaldársel og Undirhlíðar

Sunnudaginn 11. september var gengið í Kaldársel og Undirhlíðar. Í gönguna mættu 18 cavalierhundar og 17 tvífætlingar. Veðrið lék svo sannarlega við okkur og var það eins og á góðum sumardegi. Áð var í skógræktarreitnum.

Í göngunni voru cavalierhundar á öllum aldri. Aldursforsetarnir í göngunni voru Eldlukku Ögri sem er 11,6 ára og Drauma Þinur (Tumi) sem er rúmlega 10 ára. Einnig voru tvö dásamleg hvolpaskott með í för en það voru þær Miðkots Tindra 4 mánaða og Eldlukku Sópía 5 mánaða.

Við þökkum öllum fyrir þátttökuna og ánægjulega samveru. Fleiri myndir má sjá með þvi að smella á myndina hér að neðan.

Göngudagskrá 2022-2023

2022

11. september, sunnudagur kl. 12:00 – Kaldársel, Undirhlíðar
Við hittumst við kirkjugarðinn í Hafnarfirði og ökum í samfloti inn í Kaldársel. Þar göngum við inn í skógræktina. Taumganga í fyrstu en síðan lausaganga. Í skógræktinni eru borð og bekkir og því kjörið að hafa nesti með sér. Munið eftir skítapokunum og vatni fyrir hundana.

16. október, sunnudagur kl. 12:00 – Hvaleyrarvatn, Stórhöfði

Við hittumst við kirkjugarðinn í Hafnarfirði og keyrum í samfloti upp að Hvaleyrarvatni og þar fara allir hundar í taum. Gengið er upp að fellinu Stórhöfða sem er aðeins fyrir ofan vatnið og þar getum við sleppt hundunum lausum. Gangan er svona einn tími en með stoppi getur hún orðið 2 tímar. Gott er að vera í góðum skóm og jafnvel með nesti og vatn fyrir hundana. Munið eftir skítapokum og vatni fyrir hundana.

Lok nóvember/ byrjun des., sunnudagur kl. 13:00 – Aðventukaffi – Staðsetning auglýst síðar. Allir koma með eitthvað á sameiginlegt aðventuhlaðborð.

11. desember, sunnudagur kl. 12:00 – Jólaganga í Hafnarfirði
Hittumst á bílastæðinu fyrir framan Hafnarfjarðarkirkju og Tónlistarskólann. Taumganga um Hafnarfjörð og endum síðan á því að heimsækja jólaþorpið. Gaman væri ef sem flestir gætu komið í einhverju jólalegu t.d. með jólasveinahúfur, bæði menn og hundar. Í jólaþorpinu er síðan hægt að fá heitt kakó ef kalt er í veðri. Allir hundar í taumi, við viljum benda á að flexítaumar eru ekki æskilegir í taumgöngur vegna slysahættu. Munið eftir skítapokunum.

Lesa áfram Göngudagskrá 2022-2023

Ganga um tjörnina í Reykjavík

Mynd: Svanhvít

Laugardag 12. mars hittumst við hjá Ráðhúsi Reykjavíkur og gengum umhverfis tjörnina í Reykjavík. Margir fóru tvo hringi en sumir létu einn hring nægja. Það voru átta manns mættir með níu hunda. Upphaflega átti gangan að vera í Paradísardal en vegna leysinga og veðurs undanfarið var ákveðið að fara frekar umhverfis tjörnina í Reykjavík. Færðin var góð og fengum við bæði sól og snjókomu. Þetta var síðasta skipulagða ganga göngunefndarinnar þetta starfsárið og óskum við eftir fólki í nýja göngunefnd sem skipuð verður á ársfundi deildarinnar 17. mars nkþ

Kveðja göngunefndin