2. Stjórnarfundur Cavalierdeildar HRFÍ 2021-2022

Fundur haldinn rafrænt á Teams 15. apríl 2021

Mættar: Björk Grétarsdóttir, Gerður Steinarrsdóttir, Svanhvít Sæmundsdóttir, Valka Jónsdóttir.

Dagskrá:

  • Niðurstaða stjórnar HRFÍ vegna kosninga í stjórn Cavalierdeildarinnar á ársfundi 2019

Efni fundar:

Lögmæti kosningar til stjórnar á ársfundi 2019 (haldinn 2020)

Eftir að fundargerð fyrsta stjórnarfundar deildarinnar var birt á netinu, um erindi Hrannar Thoroddsen á ársfundi 2020 (haldinn mars 2021) um ólögmæti kosningar til stjórnar Cavalierdeildarinnar á ársfundi 2019 (haldinn jan. 2020) vegna umboða, kom ábending á síðu deildarinnar um það að ef það væri kosið til stjórnar samkvæmt lögum félagsins HRFÍ þá fyrnist sá gjörningur aldrei.  Allar ákvarðanir stjórnar gætu verið dregnar í efa á meðan stjórnarmenn sem eru kosnir ólöglega sætu í stjórn.

Erindi var sent til stjórnar HRFÍ og óskað formlega eftir leiðsögn hennar í þessu máli.  Niðurstaða stjórnar HRFÍ var skýr.  Ekki er heimilt að nota umboð við stjórnarkjör og því eru stjórnarmenn sem voru kosnir á ársfundi 2019 ólöglegir.  Stjórn HRFÍ lagði til að endurtaka kosningu þessara stjórnarmanna en þá til skemmri tíma eða til eins árs.

Kosning Bjarkar Grétarsdóttur og Fríðu Bjarkar Elíasdóttur er því ógild en hvorug þeirra gefur kost á sér aftur og því eru tvö sæti laus í stjórn Cavalierdeildarinnar til eins árs frá og með 2021.

Björk Grétarsdóttir þakkaði stjórnarmönnum fyrir stutt en gott samstarf og yfirgaf fundinn.

Kosning til stjórnar Cavalierdeildarinnar

Ákveðið að fá ráðleggingar frá stjórn HRFÍ um það hvernig best sé að standa að kosningu nýrra stjórnarmeðlima í ljósi stöðunnar og samkomutakmarkana.

Önnur mál

Engin önnur mál voru tekin fyrir.
Fundi slitið 18.00

Fundargerð ritaði Valka Jónsdóttir