Langar klær geta valdið óþægindum og sársauka hjá hundinum þínum og komið í veg fyrir að hann gangi eða standi eðlilega. Mikilvægt er að skoða klær hundsins reglulega og sytta þær ef þarf til að halda fótunum heilbrigðum og án sársauka.

 Að fara með hundinn reglulega í gönguferðir á harða fleti eins og gangstéttir mun hjálpa til við að stytta klærnar en það er kannski ekki nóg til að halda þeim eins stuttum og þeir ættu að vera.

Löngum klóm er hættara við að rífna, klofna og brotna sem getur verið mjög sársaukafullt. Auk þess valda langar klær því að hundurinn setur þungann aftar á löppina sem veldur svo sársauka og óþægindum. Til að lágmarka þennan sársauka hreyfir hundurinn þinn sig aðeins öðruvísi, sem aftur getur gert þá næmari fyrir öðrum liðskemmdum, sérstaklega hjá eldri hundum þar sem líkamsstaða getur þegar verið vandamál. Í öfgafullum tilfellum geta klærnar stækkað svo mikið að þær krulla sig og grafst í þófana.

Í miðju hverrar klóar er kvikan sem samanstendur af taugum og æðum. Þegar þú klippir klær hundsins þíns ætti að forðast þennan hluta þar sem það er sársaukafullt fyrir hundinn og veldur blæðingu.

Í ljósum klóm er hægt að sjá kvikuna sem bleikt band í miðjunni. Í dökkum klóm muntu ekki geta séð kvikuna og ættir að klippa hverja kló smátt og smátt þar til þú getur séð svartan blett í miðju klóarinnar.

Hunda, þar sem klærnar hafa ekki verið klipptar í langan tíma, ætti að snyrta með varúð vegna þess að langar klær munu einnig hafa langan kviku. Í þessum aðstæðum gætirðu viljað byrja á því að stytta klærnar lítið í einu og gera þetta reglulega (kannski einu sinni í viku) til að tryggja að kvikan sé að hörfa. Að stytta klærnar niður í heilbrigða lengd getur í sumum tilvikum tekið marga mánuði en það er þess virði þar sem það gerir hundinum kleift að hreyfa sig án sársauka.

Þegar klærnar eru orðnar styttri auðveldar það hundinum að hreyfa sig sem getur svo aukið slit á klónum. Ef hundur stendur á sléttu yfirborði ættu klær hans ekki að snerta jörðina.

Góð vísbending um að klær hundsins þíns þurfi snyrtingu er að þú heyrir klærnar klikka hátt þegar hann hreyfir sig á hörðu eða flísalögðu gólfi.

Það fer eftir því hversu virkur hundurinn þinn er og yfirborðstegundir sem hann gengur á, hversu oft þú þarft að klippa klærnar en þú ættir að miða við að klippa klær hundsins einu sinni eða tvisvar í mánuði. Vertu viss um að halda þig við þetta og komdu þessu í fasta rútínu eins og t.d. fyrstu helgi hvers mánaðar o.s.frv.

Mikilvægt er að klóaklippurnar séu góðar/beittar og því þarf að skipta þeim út reglulega. Með aldrinum verða klær oft viðkvæmari og því sérstalega mikilvægt að vera með góðar klippur.