Flokkaskipt greinasafn: Fréttir

Nýársfagnaður og heiðrun

Fréttir, Viðburðir

Sunnudaginn 7. janúar stóð Cavalierdeildin fyrir pálínuboði til þess að fagna nýju ári og auk þess heiðra stigahæstu ræktendur og hunda sýningaársins 2023. Viðburðurinn var haldinn í húsnæði HRFÍ í Hafnarfirði og þökkum við öllum sem mættu fyrir dásamlega samveru. Einnig viljum við þakka Dýrabæ fyrir veglegar gjafir til þeirra sem voru heiðraðir.

Myndir: Sunna Gautadóttir

Stigahæsti hundur ársins: ISJCh ISJW-23 RW-23 Eros The Enchanting Dreamcatchers
Eigandi: Guðríður Vestars – Ræktandi: Giusy Pellegrini
Lesa áfram Nýársfagnaður og heiðrun →

Jólaganga

Fréttir, Göngur, Viðburðir

Frábær mæting var í jólagöngu deildarinnar sunnudaginn 10. desember, 33 tvífætlingar og 24 hundar. Veðrið var kalt en stillt og við gengum frá Hafnarfjarðarkirkju, tókum góðan hring og kíktum við í Hellisgerði. Endað var í jólaþorpinu þar sem við rákumst á jólasvein sem hundunum leist misvel á.

Fleiri myndir hér

Jólaganga

Fréttir, Göngur, Viðburðir

Jólaganga deildarinnar verður haldin sunnudaginn 10. desember, hittumst kl. 12 á bílastæðinu fyrir framan Hafnarfjarðarkirkju. Þetta er taumganga og við endum á því að heimsækja jólaþorpið. Gaman væri ef sem flestir gætu komið í einhverju jólalegu t.d. með jólasveinahúfur, bæði menn og hundar. Í jólaþorpinu er síðan hægt að fá heitt kakó ef kalt er í veðri. Við viljum benda á að flexitaumar eru ekki æskilegir í taumgöngur vegna slysahættu og minnum á skítapokana.

Viðburðurinn á Facebook

Athugið! Þetta árið fer ekki fram fyrirhugað aðventukaffi vegna framkvæmda í sal HRFÍ. Þess í stað verður haldinn nýársfagnaður 7. janúar sem verður auglýstur þegar nær dregur.