Minnum á að skráningarfrestur er til 16. apríl. Dómari sýningarinnar er Joel Lantz frá Svíþjóð en hann ræktar cavalier undir ræktunarnafninu Cavanzas.
Deildarsýning
Flokkaskipt greinasafn: Viðburðir
Elliðaárdalur
Loksins kom vorið og var mjög vel mætt í göngu deildarinnar um Elliðaárdalinn sunnudaginn 2. apríl. Samtals voru hundarnir 17 og 14 tvífætlingar fylgdu með. Fleiri voru úti að njóta veðurblíðunnar á sama tima og mættum við fullt af göngu-, hjóla- og hestafólki.
Næsta ganga er áætluð miðvikudagskvöldið 17. maí kl. 19 en þá ætlum við að ganga í kringum Reynisvatn og vonum til þess að sjá sem flesta.
Sýningaþjálfun
Deildarsýning
Húrra! Takið laugardaginn 6. maí frá því þá ætlum við aldeilis að fagna tegundinni okkar, með glæsilegri deildarsýningu í nýja húsnæði HRFÍ í Hafnarfirði.
Ganga um Grafarvog 12. mars
Stefnt er á göngu um Grafarvog sunnudaginn 12. mars kl. 12.
Hittumst við Grafarvogskirkju og göngum saman hringinn í kringum Grafarvog, rétt rúmlega 4 km. Ef veður er gott er hægt að bæta við hring upp að Keldum og þá er hringurinn 5 km. Þetta er taumganga, við viljum benda á að flexítaumar eru ekki æskilegir í taumgöngur vegna slysahættu. Munið eftir skítapokum.
Aðstoð á sýningu 3.-5. mars
HRFÍ leitar eftir sjálfboðaliðum í ýmis verkefni yfir þessa helgi.
Sjálfboðaliðar frá okkar deild hafa verið duglegir að taka að sér verkefni og vonum við að svo verði einnig nú, margar hendur vinna létt verk.
Hérna er skjöl til þess að skrá sig:
Heiðrun aldursforseta
Aldursforseti deildarinnar er Ljúflings Þytur en hann er fæddur 29. september 2007. Hann varð því 15 ára og 3 mánaða um áramótin síðustu. Foreldrar hans eru þau Lanola Pearl Dancer, fæddur í Englandi en innfluttir frá Noregi og Jörsi´s Stuegris, innflutt frá Noregi. Eigandi hans er Sigríður G. Guðmundsdóttir og ræktandi hans er María Tómasdóttir. Þytur var heiðraður á ársfundinum og tóku eigendur hans við blómum og viðurkenningu.
Cavalierdeild HRFÍ 