4. stjórnarfundur 2026-2027

27. ágúst 2026 kl. 17:30

Staðsetning: Spíran Garðheimum

Mættar: Anna Þórðardóttir Bachmann, Bergþóra Linda Húnadóttir, Guðríður Vestars, Sunna Gautadóttir og Svanhvít Sæmundsdóttir

Fundur settur kl. 17:50

Milli funda:

Tókum þátt í dómaraprófi sem Anna Guðjónsdóttir þreytti í tegundinni þann 5. ágúst, deildin óskar henni til hamingju með prófið.

1. Úrslit ágústsýninga

Farið yfir niðurstöður á tvöfaldri sýningu 8.-9. ágúst. Eignuðumst nýjan alþjóðlegan meistara, Norðurlanda-ungliðameistara og íslenskan öldungameistara. Mjög lítið var um forföll á þessum sýningum eða aðeins einn á laugardegi og tveir á sunnudegi. Ánægja með dómara helgarinnar (Per Lundström og Michael Leonard) sem voru báðir kurteisir og þægilegir í framkomu.

2. Augnskoðun

Farið yfir niðurstöður augnskoðunar sem fram fór 20.-22. ágúst. 10 cavalier hundar voru skoðaðir í þetta sinn en aðeins tveir voru án athugasemda. Aðrir voru ýmist með Cornea Dystrofi og/eða Distichiasis/Ektopiske Cillier (aukaaugnhár), einn greindist með Retinal Dysplasi Geografisk, tveir með Lacrimal punctum atresia/micropunctum og einn með Kataract Cortical auk gruns um Keratoconjunctivitis sicca.

3. Sýningaþjálfun í september

Verðum með sýningaþjálfun 15. og 22. september á Melabrautinni og búið að opna fyrir skráningu. Minnum á að þessi þjálfun er okkar aðal fjáröflun og deildin getur ekki haldið sýningar og aðra viðburði nema hún gangi vel. Hvetjum ræktendur til að beina sínum hvolpakaupendum sem stefna á að sýna, í þjálfun á vegum deildarinnar.

4. Hóphjartaskoðun í október

Undirbúningur heldur áfram.

5. Rakkalisti og heilsufarskröfur

Nokkrir á listanum sem ekki hafa endurnýjað hjartavottorð lengi. Við minnum á að æskilegt er að öll ræktunardýr séu hjartaskoðuð a.m.k. einu sinni á ári (þar til þau greinast með murr) til að hægt sé að fylgjast með stöðu stofnsins.

6. Listi yfir innflutta hunda yfirfarinn

Farið yfir þá hunda sem fluttir hafa verið inn síðustu ár og hverjir hafa nú þegar verið notaðir í ræktun. Mikil fjölgun í innflutningi og hafa verið fluttir inn 29 hundar frá árinu 2020.

7. Skráningar á vottorðum / Hundavefur og cavalier.is

Getur verið misræmi í skráningum þegar vottorð skila sér seint inn á Hundavefinn og mikil handavinna að yfirfara. Deildin hefur ekki verið að fá vottorðin á pappír frá HRFÍ eins og var áður og viljum við að það verði endurskoðað.

8. Byrjun undirbúnings á deildarsýningu 2027

Stefnum á deildarsýningu næsta vor eins og síðustu ár og erum að byrja að skoða hugsanlega dagsetningu. Útlit fyrir að við getum ekki haldið nema einfalda sýningu í þetta sinn miðað við fjárhagsstöðu deildarinnar núna, m.a. vegna minnkaðrar þátttöku í sýningaþjálfunum.

Fundi slitið kl. 19:15

Fundargerð ritaði Sunna Gautadóttir