Fullt á allar æfingar.
Sýningaþjálfun
Allar færslur eftir Cavalier HRFI
Stigahæstu hundar og ræktendur 2024
Síðastliðinn sunnudag 19. janúar hélt Cavalierdeildin bingó og í leiðinni voru stigahæstu hundar og ræktendur sýningaársins 2024 heiðraðir. Við viljum þakka öllum fyrirtækjum og einstaklingum sem styrktu okkur með bingóvinningum kærlega fyrir veglegar gjafir. Einnig þökkum við öllum sem mættu á viðburðinn og styrktu þannig deildina.
Hér að neðan má sjá stigahæstu hunda og ræktendur en fleiri myndir frá viðburðinum eru á Facebook síðu deildarinnar.
C.I.B. NORDICCh ISCh ISJCh ISW-23-24 RW-24 Bonitos Companeros Mr. Spock
Eig. Arna Sif Kærnested og Anna Þórðardóttir Bachmann, rækt. Markus Kirschbaum
Bingó og heiðrun
ATHUGIÐ: Ekki er gert ráð fyrir hundum á viðburðinum nema þeim sem verða heiðraðir.
Gleðilegt ár
Jólaganga
Vel mætt var í jólagöngu deildarinnar sem haldin var laugardaginn 7. desember. Úti var kalt en mjög stillt og fallegt. Hundarnir skörtuðu fjölbreyttum jólapeysum og nokkrir tvífætlingar mættu einnig með jólasveinahúfur. Genginn var hringur um miðbæ Hafnarfjarðar og endað í jólaþorpinu. Við þökkum fyrir samveruna og óskum öllum gleðilegrar hátíðar.
7. stjórnarfundur 2024-2025
7. stjórnarfundur 2024-2025
25. nóvember 2024 kl. 17:00
Staðsetning: Spíran Garðheimum
Mættar: Anna Þórðardóttir Bachmann, Bergþóra Linda Húnadóttir, Guðríður Vestars, Sunna Gautadóttir og Svanhvít Sæmundsdóttir
Fundur settur kl. 17:15
Dagskrá fundar:
- Úrslit sýningar 24. nóvember
Úrslit sýningar yfirfarin. Dreifing Excellent og Very good í dómum í tegundinni okkar var nokkuð svipuð á þessari sýningu og oft áður, en það sem vakti athygli var að dómarinn Veli-Pekka Kumpumäki frá Finnlandi setti Disqualified á fjóra hunda. Það er saldan gert en í þessu tilfelli var það helst vegna frávika á tönnum. Margir aðrir dómarar láta þá nægja að lækka einkunn niður í Very good eða jafnvel Good.
Cavalier átti svo sannarlega daginn í heildarúrslitum dagsins um bestu hunda sýningar. Besti hvolpur 4-6 mánaða var Esju Nætur Viktoría og 4. besti hvolpur 6-9 mánaða Snjallar Tjaldur. Mjallar Garpur varð 3. besti ungliði í tegundahópi 9 og ISCh ISVetCh RW-17-21 Ljúflings Merlin Logi komst í 7 hunda úrtak í keppni um besta öldung sýningar. Besti ræktunarhópur dagsins var frá Hafnarfjalls ræktun og síðast en ekki síst náði NORDICCh ISCh ISJCh ISW-23 RW-24 Bonitos Companeros Mr. Spock þeim stórkostlega árangri að verða 4. besti hundur sýningar.
Til gamans má einnig geta þess að stigahæstu ungu sýnendur ársins, bæði í yngri og eldri flokki, fóru inn í hring með cavalier þegar heiðrun fór fram. Tegundin okkar var því mjög áberandi í úrslitum sem var mög skemmtilegt.
- Viðburðir
Jólaganga í Hafnarfirði á dagskrá laugardaginn 7. desember, viðburður á Facebook.
Sýningaþjálfun fyrir nóvembersýningu gekk mjög vel, það var góð mæting og var þetta því öflug fjáröflun fyrir deildina.
Á nýju ári þarf að fara af stað með fjáröflun fyrir deildarsýningu og stefnum við m.a. á að hafa bingó.
Fundi slitið kl. 18:15
Fundargerð ritaði Sunna Gautadóttir
Feldhirðunámskeið
Nú endurtökum við leikinn þar sem færri komust að en vildu síðast.
Fullt á námskeiðið
Hvolpasýning 27. október 2024
Mjallar Gyðja Mánadís og Mjallar Gotti Cosmo
Hundaræktarfélag Íslands hélt í hefðina og fór fram sérstök hvolpasýning með íslenskum dómurum og dómaranemum þann 27. október síðastliðinn. Sýningin var haldin í reiðhöll Fáks í Víðidal og voru rúmlega 150 hvolpar á aldrinum 3-9 mánaða skráðir.
Anna Guðjónsdóttir dæmdi cavalier sem voru samtals 11. Besti hvolpur 3-6 mánaða var Mjallar Gyðja Mánadís og bestur af gagnstæðu kyni Mjallar Gotti Cosmo. Besti hvolpur 6-9 mánaða var Snjallar Tjaldur. Dýrabær gaf verðlaunabikara og þátttökumedalíur.
Nánari úrslit urðu eftirfarandi:
Lesa áfram Hvolpasýning 27. október 2024
Cavalierdeild HRFÍ 