Flokkaskipt greinasafn: Fréttir

Úrslit af Winter Wonderland sýningu HRFÍ 27. – 28. nóvember 2021

Úrslit sýninga, Fréttir
BOB: ISCh RW-17-21 Ljúflings Merlin Logi  BOS: ISCh ISJCh RW-17-21 Teresajo Sabrina Una
Myndina tók Sunna Gautadóttir, ljósmyndari

Síðasta sýning ársins, Winter Wonderland sýningin, fór fram helgina 27. – 28. nóvember í glæsilegri reiðhölls Spretts í Kópavogi. Sýningin var NKU og Crufts qualification sýning. Þetta var stærsta sýning félagsins frá upphafi en alls voru  1.150 hundar skráðir.  50 cavalierar voru skráðir þar af 12 hvolpar. Svein Bjarne Helgesen frá Noregi dæmdi cavalierana.  

BOB var ISCh RW-17-21 Ljúflings Merlin Logi  og BOS ISCh ISJCh RW-17-21 Teresajo Sabrina Una, bæði fengu NCAC stig og Crufts qualification. Þetta var þriðja NCAC stig Teresajo Sabrinu Unu og hún því orðinn Nordic meistari. Rakkameistarastigið kom í hlut Bonitos Companeros Mr. Spock og tíkarmeistarastigið kom í hlut Hrísnes Lukku. Besti ungliði með ungliðameistarastig var Mjallar Týr. Einnig fékk Hafnarfjalls Unu Brák ungliðameistarastig. Besti öldungur var Eldlukku Salka. Besti hvolpur 4 – 6 mánaða var Koparlilju Erró og besti hvolpur 6 – 9 mánaða Snjallar Silfraða Sylgja.

Nánari úrslit voru eftirfarandi:

Lesa áfram Úrslit af Winter Wonderland sýningu HRFÍ 27. – 28. nóvember 2021 →

Frestum aðventukaffinu

Fréttir

Kæru vinir og félagar.

Þar sem deildin vill ekki vera þess völd að við þurfum að fresta jólunum með okkar ástvinum, ætlum við bara að fresta aðventukaffinu okkar þann 4. desember – því miður – út af dottlu.

Í staðinn ætlum við að hittast ofurhress í nýársfagnað með kökum og kaffi. Þar ætlum við líka að hafa tombólu með góðum vinningum og vonum við að félagsmenn fjölmenni.

Stjörnuspáin segir að árið 2022 sé einmitt árið okkar og lofar hún ljúfu og skemmtilegum degi.

Nánari upplýsingar um viðburðinn koma síðar.

Tannhirða hunda

Fræðsla, Fréttir
Mynd: Svanhvít

Rétt eins og hjá mönnum er munnhirða hunda mikilvægur hluti af almennri vellíðan þeirra. Mikilvægt er að taka á tannhirðu hunda strax þar sem slæm munnheilsa getur tengst öðrum heilsufarsvandamálum og mögulega leitt til dauða. Þar fyrir utan sleikja hundar bæði sig sjálfa og oft eigendur sína og geta þannig flutt bakteríur. Fyrir utan hugsanleg tengsl munnheilsu og annarra sjúkdóma getur alvarlegur tannsjúkdómur verið mjög sársaukafullur en hundar geta fallið sársauka vel og hann getur leitt til breytinga á matarvenjum og hegðun. Heilbrigður munnur ætti að vera með ljósbleikt tannhold.

Lesa áfram Tannhirða hunda →

Cavalierganga laugardag 20. nóvember kl 12:00.

Fréttir

Við hittumst við kirkjugarðinn í Hafnarfirði og keyrum í samfloti upp að Hvaleyrarvatni og þar fara allir hundar í taum. Gengið er upp að fellinu Stórhöfða sem er aðeins fyrir ofan vatnið og þar getum við sleppt hundunum lausum. Gangan er í kringum einn tíma en með stoppi getur hún orðið 2 tímar. Gott er að vera í góðum skóm og jafnvel með nesti og vatn fyrir hundana. Munið eftir skítapokum.

Ganga um Grafarvog

Fréttir, Göngur

Mynd: Gunnhildur

Í gönguna núna mættu 9 einstaklingar og 9 hundar. Mjög gott veður og frábær ganga í fínasta félagsskap. Við hittumst við Grafarvogskirkju og gengum hring um voginn. Næsta ganga er áætluð laugardaginn 13. nóvember og verður þá gegnið um Hvaleyrarvatn- Stórhöfða.

Hlökkum til að sjá ykkur,
Göngunefnd Cavalierdeildar HRFÍ

Klóaklipping

Fræðsla, Fréttir
Mynd: Sigrún Guðlaugardóttir

Langar klær geta valdið óþægindum og sársauka hjá hundinum þínum og komið í veg fyrir að hann gangi eða standi eðlilega. Mikilvægt er að skoða klær hundsins reglulega og sytta þær ef þarf til að halda fótunum heilbrigðum og án sársauka.

 Að fara með hundinn reglulega í gönguferðir á harða fleti eins og gangstéttir mun hjálpa til við að stytta klærnar en það er kannski ekki nóg til að halda þeim eins stuttum og þeir ættu að vera.

Lesa áfram Klóaklipping →