Sunnudaginn 11. ágúst var alþjóðleg sýning á Víðistaðatúni í Hafnarfirði og Ásta María Guðbergsdóttir dæmdi cavalier. Sýndir voru 6 hvolpar, 15 rakkar og 19 tíkur. Dýrabær gaf verðlaunabikara og þáttökumedalíur fyrir hvolpa.

BOB var ISJCh RW-23 ISJW-23 Eros The Enchanting Dreamcatchers og BOS ISJCh RW-23-24 ISJW-23 Elixir D’Amour-Bl The Enchanting Dreamcatchers, eins og á laugardeginum. Bæði fengu þau alþjóðlegt meistarastig. Íslenska rakkastigið gekk niður til 4. besta rakka þar sem fyrstu þrír voru nú þegar orðnir meistarar og kom stigið í hlut Cavalion Blues Brothers. Tíkarstigið fékk Eldeyjarlilju Jökla sem var önnur besta tík.

Besti ungliði tegundar var Hafnarfjalls Birtu Linda og besti ungliðarakki Eldlukku Káti Seifur. Bæði fengu íslenskt og alþjóðlegt ungliðameistarastig. Hafnarfjalls Birtu Linda var að fá sitt annað íslenska stig og fær því titilinn íslenskur ungliðameistari.

Besti hvolpur tegundar var Hafnarfjalls Karlottu Ísabella og bestur af gagnstæðu kyni Hafnarfjalls Karlottu Bjartur Leó. Besti öldungur tegundar var ISCh RW-17-21 Ljúflings Merlin Logi og besta öldungatík Ljúflings Myrra. Þau fengu bæði íslenskt og alþjóðlegt öldungameistarastig og Ljúflings Myrra titilinn öldungameistari, þar sem þetta var hennar þriðja íslenska öldungastig. Afrakstur helgarinnar er því tveir nýir íslenskir meistarar, einn ungliðameistari, einn öldungameistari og einn Norðurlandameistari, ekki amalegt það!

Besti ræktunarhópur tegundar kom frá Mjallar ræktun.

Úrslit úr öllum flokkkum má sjá hér að neðan:

Helgina 10.-11. ágúst fór fram tvöföld sýning HRFÍ á Víðistaðatúni í Hafnarfirði. Á laugardaginn var NKU Norðurlandasýning og dómari cavalier hunda var Sóley Halla Möller. Sýndir voru 6 hvolpar, 14 rakkar og 24 tíkur. Dýrabær gaf verðlaunabikara og þátttökumedalíur hvolpa.

BOB var ISJCh RW-23 ISJW-23 Eros The Enchanting Dreamcatchers með sitt áttunda meistarastig og titillinn íslenskur meistari nú loksins í höfn, þar sem a.m.k. eitt stig þarf að koma eftir tveggja ára aldur. BOS var gotsystir hans ISJCh RW-23-24 ISJW-23 Elixir D’Amour-Bl The Enchanting Dreamcatchers, með sitt sjötta íslenska meistarastig og fær hún því titilinn líka. Bæði fengu auk þess Norðurlandastig og Elixir var að fá sitt þriðja sem þýðir að hún er einnig orðin Norðurlandameistari. Eros komst í 6 hunda úrtak í úrslitum tegundahóps.

Besti ungliði tegundar var Esju Dare To Dream James Bond og besta ungliðatík Hafnarfjalls Birtu Linda, bæði fengu íslenskt og Norðurlanda-ungliðameistarastig. 

Besti hvolpur tegundar var Hafnarfjalls Karlottu Rúrik og best af gagnstæðu kyni Þórshamrar Freyju Esju Assa. Besti öldungur tegundar var ISCh RW-17-21 Ljúflings Merlin Logi og fékk hann íslenskt og Norðurlanda-öldungameistarastig.

Besti ræktunarhópur tegundar var frá Hafnarfjalls ræktun.

Hér að neðan má sjá ítarlegri úrslit: