Um helgina 13.-14. júní fór fyrri tvöföld sumarsýning HRFÍ fram á Víðistaðatúni í Hafnarfirði í algjörri rjómablíðu. Á laugardeginum var Reykjavík Winner, NKU Norðurlandasýning og dómari í okkar tegund var Erna Sigríður Ómarsdóttir. Sýndir voru 13 hvolpar, 10 rakkar, 23 tíkur og 4 ræktunarhópar. Dýrabær gaf verðlaun og þátttökumedalíur hvolpa.

Besti hundur tegundar var NORDICCh ISCh ISJCh RW-23-24-25 ISJW-23 ISW-24 Elixir D’Amour-Bl The Enchanting Dreamcatchers og besti rakki C.I.B. NORDICCh ISCh ISJCh RW-24-25 VOLW-25 ISW-23-24-25 Bonitos Companeros Mr. Spock sem bæði fá titilinn RW-26. Norðurlandameistarastigin gengu niður til ISCh ISW-25 Snjallar Silfruðu Sylgju og ISCh ISJCh RW-23 ISJW-23 Eros The Enchanting Dreamcatchers. Þetta var þriðja Norðurlandastigið sem Eros fær og verður hann því Norðurlandameistari. Íslensku stigin gengu niður til Mjallar Gyðju Mánadísar og NORDICJCh ISJCh VOLJW-25 ISJW-25 Bonitos Companeros Jailbreak. 

Besti ungliði tegundar var Snjallar Hrafntinnu Romsa með íslenskt og Norðurlanda-ungliðameistarastig, einnig titilinn RJW-26. Besti öldungur tegundar var Hafnarfjalls Selmu Karlotta með íslenskt og Norðurlanda-öldungameistarstig, auk titilsins RVW-26.

Besti hvolpur 4-6 mánaða var Esju Nætur Dynamo Hríma sem komst svo í 8 hvolpa úrtak í úrslitum sýningar. Besti rakki í sama flokki var Esju Nætur Dynamo Rex. Besti hvolpur 6-9 mánaða var Hafnarfjalls Klöru Bjartur og besta hvolpatík Hafnarfjalls Klöru Yrsa. Besti ræktunarhópur var frá Mjallar ræktun.

Úrslit í öllum flokkum má sjá hér að neðan: 

Cavalierdeild hélt tvöfalda deildarsýningu helgina 18.-19. apríl í húsnæði HRFÍ í Hafnarfirði. Á sunnudeginum dæmdi Mark Sedgwick frá Bretlandi og þá voru sýndir 10 hvolpar, 16 rakkar, 32 tíkur, 4 ræktunarhópar, 1 afkvæmahópur og 2 pör. Sóley Halla Möller var sýningarstjóri og hringstjóri, Erla Heiðrún Benediktsdóttir og Sigríður Margrét Jónsdóttir sáu um ritun dóma og aðstoð í hring og Alex Andri Írisar var ljósmyndari sýningar. Í lok dags var einnig keppni ungra sýnenda sem Karen Ösp Guðbjartsdóttir dæmdi. Við þökkum þeim kærlega fyrir vel unnin störf.

Vinningshafar í öllum flokkum auk fjögurra bestu rakka og tíka í úrslitum fengu rósettur og gjafapoka frá Dýrabæ, BOB og BOS fengu einnig sér rósettur. Besti hvolpur, besti ungliði, besti öldungur, besta tík og rakki fengu bikara og hvolpar fengu þátttökumedalíur. Einnig fengu ungir sýnendur gjafapoka og rósettur en Dýrabær gaf öll verðlaun.

BH hönnun sá um skreytingar og Dýrabær veitti okkur góðan styrk, deildin færir þeim og sjálfboðaliðum sem aðstoðuðu á einn eða annan hátt bestu þakkir.

Besti hundur sýningar var ISW-25 Snjallar Silfraða Sylgja með íslenskt meistarastig sem var hennar þriðja og hún því nýkrýndur íslenskur meistari. Hún fékk bæði eignarbikar og farandbikar deildarsýninganna okkar, Maríubikarinn. Besti rakki var ISCh ISJCh RW-23 ISJW-23 Eros The Enchanting Dreamcatchers en meistarastigið gekk niður til PLJCh Fiorintino My First.

Besti ungliði var NORDICJCh ISJCh VOLJW-25 ISJW-25 Bonitos Companeros Jailbreak og besta ungliðatík Miðkots Tía með íslenskt ungliðameistarastig. Besti öldungur var Hafnarfjalls Selmu Karlotta með öldungameistarastig. Besti hvolpur 4-6 mánaða var Eldlukku Snotra Möndlu Perla, besti hvolpur 6-9 mánaða var Hafnarfjalls Klöru Bjartur og besta tík í þeim aldursflokki Snjallar Hrafntinnu Romsa.

Hafnarfjalls Unu Flóki og Hafnarfjalls Unu Tinna voru valin besta parið, besti afkvæmahópur var ISCh Cavalion (FCI) Blues Brothers ásamt þremur dætrum og besti ræktunarhópur kom frá Hafnarfjalls ræktun.

Nánari úrslit:

Cavalierdeild hélt tvöfalda deildarsýningu helgina 18.-19. apríl í húsnæði HRFÍ í Hafnarfirði. Á laugardeginum dæmdi Viera Stloukalová frá Slóvakíu og þá voru sýndir 12 hvolpar, 20 rakkar, 35 tíkur, 4 ræktunarhópar, 1 afkvæmahópur og 3 pör. Sóley Halla Möller var sýningarstjóri og hringstjóri, Erla Heiðrún Benediktsdóttir og Sigríður Margrét Jónsdóttir sáu um ritun dóma og aðstoð í hring og Hildur Sif Pálsdóttir var ljósmyndari sýningar. Við þökkum þeim kærlega fyrir vel unnin störf.

Vinningshafar í öllum flokkum auk fjögurra bestu rakka og tíka í úrslitum fengu rósettur og gjafapoka frá Dýrabæ, BOB og BOS fengu einnig sér rósettur. Besti hvolpur, besti ungliði, besti öldungur, besta tík og rakki fengu bikara og hvolpar fengu þátttökumedalíur, en Dýrabær gaf öll verðlaun.

BH hönnun sá um skreytingar og Dýrabær veitti okkur góðan styrk, deildin færir þeim og sjálfboðaliðum sem aðstoðuðu á einn eða annan hátt bestu þakkir.

Besti hundur sýningar var C.I.B. NORDICCh ISCh ISJCh RW-24-25 VOLW-25 ISW-23-24-25 Bonitos Companeros Mr. Spock og besta tík NORDICCh ISCh ISJCh RW-23-24-25 ISJW-23 ISW-24 Elixir D’Amour-Bl The Enchanting Dreamcatchers. Spock fékk auk eignarbikars afhentan Maríubikarinn sem er farandbikar deildarsýninga. Íslensku meistarastigin gengu niður til Gasekær’s Black Beautiful Gino og ISJCh RJW-25 Hafnarfjalls Karlottu Ísabellu.

Besti ungliði var NORDICJCh ISJCh VOLJW-25 ISJW-25 Bonitos Companeros Jailbreak en ungliðastigið gekk niður til Hafnarfjalls Elsu Alex. Besta ungliðatík með ungliðameistarastig var Miðkots Askja, þetta var hennar annað stig og hún því nýr íslenskur ungliðameistari. Besti öldungur var Hafnarfjalls Unu Tinna með öldungameistarastig. Besti hvolpur 4-6 mánaða var Eldlukku Snotra Möndlu Perla og besti rakki í sama aldursflokki Eldlukku Snotri Möndlu Tindur. Besti hvolpur 6-9 mánaða var Skaga Möndlu Rökkvi og besta hvolpatík Snjallar Hrafntinnu Romsa.

Eldlukku Vetrar Snjór og Eldlukku Auðar Melkorka voru valin besta parið, besti afkvæmahópur var ISCh Cavalion (FCI) Blues Brothers ásamt þremur dætrum og besti ræktunarhópur kom frá Mjallar ræktun.

Hér að neðan má sjá nánari úrslit:

Hundaræktarfélag Íslands í samvinnu við félag sýningadómara HRFÍ hélt hvolpasýningu sunnudaginn 12. apríl í reiðhöll Fáks í Víðidal. Samtals 115 hvolpar á aldrinum 4-9 mánaða voru skráðir og þar af 8 cavalier hvolpar en einn mætti ekki. Anna Guðjónsdóttir dæmdi okkar tegund.

Besti hvolpur 4-6 mánaða var Hafnarfjalls Klöru Bjartur og besta tík í sama aldursflokki Eldlukku Snotra Möndlur Perla. Besti hvolpur 6-9 mánaða var Seljudals Tinna. Dýrabær gaf verðlaunabikara og þátttökumedalíur.

Nánari úrslit: