Fimmtudagskvöldið 17. ágúst gengu 15 manns og 12 hundar saman góðan hring um Paradísardal. Þetta hafði verið fremur grár og blautur dagur framan af en það rættist heldur betur úr honum og við fengum dásamlegt veður í göngunni. Þökkum öllum fyrir samveruna og hlökkum til að sjá sem flesta á næstu viðburðum.
4. stjórnarfundur Cavalierdeildar HRFÍ 16. ágúst 2023
Staðsetning: Spíran, Garðheimum
Mættar: Anna Þ Bachmann, Bergþóra Linda H, Fríða Björk Elíasdóttir, Sunna Gautadóttir og Svanhvít Sæmundsdóttir
Fundur settur: 17:40
Lesa áfram 4. stjórnarfundur 2023-2024
NKU Norðurlandasýning fór fram á Víðistaðatúni í Hafnarfirði um helgina í þvílíkri rjómablíðu. Jari Partanen frá Noregi dæmdi cavalier hunda á sunnudeginum, skráningar voru 57 (þar af 10 hvolpar) en 6 mættu ekki í dóm. Það má segja að þetta hafi verið ansi blá sýning en aðeins 14 af 43 hundum fengu Excellent. Dýrabær gaf bikara og hvolpamedalíur.
Besti hundur tegundar var ISCh ISJCh Bonitos Companeros Mr. Spock og best af gagnstæðu kyni ISJCh Snjallar Kastaní Björt á brá sem var einnig besti ungliði, bæði fengu þau Norðurlandameistarastig og Björt auk þess það íslenska. Þar sem Spock er nú þegar íslenskur meistari færðist rakkastigið niður á annan besta rakka og jafnframt besta ungliðarakka, Cavalion Blues Brothers.
Besti hvolpur 4-6 mánaða var Eldlukku Káti Seifur og besti hvolpur 6-9 mánaða Eldeyjarlilju Bonnie Tyler.
Besti öldungur var NORDICCh ISCh ISJCh RW-17-21 Teresajo Sabrína Una með öldungameistarastig sem var hennar þriðja og fær hún því titilinn öldungameistari.
Besti ræktunarhópur var frá Hafnarfjalls ræktun.
Nánari úrslit:
Lesa áfram Norðurlandasýning 13. ágúst 2023
Hittumst kl. 19 fimmtudagskvöldið 17. ágúst á bílaplaninu bak við prentsmiðju Morgunblaðsins að Hádegismóum. Göngum saman hring fyrir ofan Rauðavatn og niður í Paradísardal. Hundarnir byrja í taumi en hægt er að sleppa þeim um leið og við komum upp á stíg rétt fyrir ofan bílastæðið.
Miðvikudagskvöldið 21. júní var haldin cavalierganga í Úlfarsárdal við Langavatn. 19 manns og 22 hundar mættu í blíðskaparveðri. Hundarnir nutu þess í botn að hlaupa um mela og móa og sumir sulluðu meira en aðrir í vatninu.
3. stjórnarfundur Cavalierdeildar HRFÍ 20. júní 2023
Staðsetning: Spíran, Garðheimum
Mættar: Anna Þ Bachmann, Bergþóra Linda H, Fríða Björk Elíasdóttir, Sunna Gautadóttir og Svanhvít Sæmundsdóttir
Fundur settur: 17:40
Lesa áfram 3. stjórnarfundur 2023-2024
Um helgina var tvöföld sýning HRFÍ haldin á Víðistaðatúni í Hafnarfirði. Á sunnudaginn var alþjóðleg sýning með samtals 1030 skráðum hundum, þar af 60 cavalier en 8 mættu ekki. Einnig voru sýndir 3 ræktunarhópar. Dómari var Dimitrios Antonopoulos frá Svíþjóð.
Dýrabær gaf bikara fyrir BOB, BOS, besta hvolp og besta ungliða, auk þess sem allir hvolpar fengu þátttökumedalíur.
BOB og besti ungliði var Snjallar Kastaní Björt á brá með íslenskt og alþjóðlegt ungliðameistarastig og íslenskt meistarastig. Hún náði einnig 4. sæti í úrslitum um besta ungliða tegundahóps 9. Þetta var hennar annað íslenska ungliðameistarastig og hún því orðin ungliðameistari. Hún er hins vegar of ung fyrir alþjóðlega stigið, sem kom í hlut ISCh ISW-22 Eldlukku Frán Þulu Lukku sem var önnur besta tík. Þetta er fjórða stig Lukku sem verður alþjóðlegur meistari eftir staðfestingu frá FCI.
BOS og besti ungliðarakki var Eros The Enchanting Dreamcatchers, með íslenskt og alþjóðlegt ungliðameistarastig og íslenskt meistarastig, en er of ungur fyrir það alþjóðlega. Annar besti rakki, ISJCh ISW-22 ISJW-22 Eldlukku Ljúfi Bruno, hlaut því alþjóðlega meistarastigið.
Besti hvolpur 4-6 mánaða var Eldeyjarlilju Orri Óstöðvandi og besti hvolpur 6-9 mánaða Eldlukku Vetrar Snjór.
Besti ræktunarhópur tegundar var frá Eldlukku ræktun.
Nánari úrslit:
Lesa áfram Alþjóðleg sýning 11. júní 2023
Cavalierdeild HRFÍ 