Flokkaskipt greinasafn: Fréttir

Alþjóðleg sýning 3. mars 2024

Úrslit sýninga, Fréttir
BOB og BOS
ISCh ISJCh ISW-23 Bonitos Companeros Mr. Spock og Sóldísar Amý Mandla

Hundaræktarfélag Íslands hélt fyrstu alþjóðlegu sýningu ársins í reiðhöll Spretts í Kópavogi helgina 2.-3. mars. Cavalier var sýndur á sunnudeginum og dómari var Annukka Paloheimo frá Finnlandi, sem ræktaði sjálf tegundina um árabil. Skráðir voru 49 cavalier hundar en 4 forfölluðust. Einnig voru sýndir tveir ræktunarhópar.

Dýrabær gaf eignarbikara fyrir bestu hvolpa, besta ungliða, BOB og BOS, auk þátttökumedalía fyrir hvolpa. Deildin gaf rósettur fyrir fjögur efstu sætin í keppni um bestu tík og besta rakka.

BOB var ISCh ISJCh ISW-23 Bonitos Companeros Mr. Spock með alþjóðlegt meistarastig og náði hann einnig í 6 hunda úrtak í úrslitum tegundahóps 9. Þar sem hann er nú þegar íslenskur meistari gekk íslenska stigið niður til Navenda’s Charm of diamonds. BOS var Sóldísar Amý Mandla með íslenskt og alþjóðlegt meistarastig.

Besti ungliði var Eldeyjarlilju Bonnie Tyler og besti ungliðarakki NJrCH Pecassa’s James Bond. Bæði fengu þau íslenskt og alþjóðlegt ungliðameistarastig. James Bond hafði fengið tvö alþjóðleg ungliðameistarastig áður en hann kom til Íslands og verður því alþjóðlegur ungliðameistari eftir staðfestingu frá FCI.

Besti hvolpur 4-6 mánaða var Hafnarfjalls Birtu Linda. Besti hvolpur 6-9 mánaða var Seljudals Ósk og varð hún einnig fjórði besti hvolpur dagsins í úrslitum, sem er frábær árangur.

Besti ræktunarhópur var frá Eldlukku ræktun og náði hann einnig í topp 6 í úrslitum, flottur dagur hjá tegundinni okkar.

Ítarlegri úrslit má sjá hér að neðan:

Lesa áfram Alþjóðleg sýning 3. mars 2024 →

Aldursforseti heiðraður

Öldungar, Fréttir, Viðburðir
Skutuls Saxi með eiganda sínum Söru Hákonardóttur og Önnu Þ. Bachmann formanni deildarinnar

Aldursforseti tegundarinnar er Skutuls Saxi og var hann heiðraður á ársfundinum okkar þann 27. febrúar síðastliðinn. Saxi er fæddur 2. ágúst 2008 og er því orðinn 15 ára og 7 mánaða. Foreldrar hans voru þau Sjarmakots Figaró Freyr og Skutuls Daniela, eigandi hans er Sara Hákonardóttir og ræktandi Bjarney Sigurðardóttir. Við óskum fjölskyldu og ræktanda til hamingju með þennan hrausta öldung en hann mætti mjög sprækur að taka á móti viðurkenningu og vakti mikla lukku meðal fundargesta.

Skýrsla stjórnar 2023

Ársfundir, Fréttir

Ársfundur Cavalierdeildar HRFÍ haldinn 27. febrúar 2024 í húsnæði Hundaræktarfélags Íslands að Melabraut 17 í Hafnarfirði.

Árið 2023 gerðum við ýmislegt og stendur hæst deildarsýning og vel heppnaður hvolpahittingur.

Starf deildarinnar var í nokkrum blóma og fjöldi viðburða meiri en oft áður. Við héldum sérsýningu í maí, göngunefnd var með reglulegar göngur, fjölmennur hvolpahittingur var haldinn í september, við heiðruðum stigahæstu hunda og ræktendur ársins á undan og fórum saman út að borða eftir nokkrar sýningar. Tvær heilsufarsskoðanir voru á vegum deildarinnar, boðið var upp á sýnendanámskeið og hélt deildin á þriðja tug sýningaþjálfana. Auk þess hélt stjórn reglulega fundi. Einnig voru sendir út hóppóstar til hvolpakaupenda, ræktenda og rakkaeigenda á rakkalista.

Deildin færði Hundaræktarfélagi Íslands innflutningsgjöf við flutninga félagsins frá Síðumúla 32 á Melabraut 17.

Samið var við Dýrabæ um að vera aðal styrktaraðili deildarinnar árið 2023.

Í stjórn Cavalierdeildar HRFÍ sátu þetta árið:
Anna Þórðardóttir Bachmann, Bergþóra Linda Húnadóttir, Sunna Gautadóttir og Svanhvít Sæmundsdóttir. Fríða Björk Elíasdóttir lét af stjórnarsetu á árinu.

Lesa áfram Skýrsla stjórnar 2023 →

Hvolpasýning 27. janúar 2024

Úrslit sýninga, Fréttir
BOB og BOS 3-6 mánaða: Hafnarfjalls Birtu Linda og Hafnarfjalls Birtu Mói
BOB og BOS 6-9 mánaða: Mjallar Glanni og Mjallar Gná

Fyrsta sýning ársins fór fram laugardaginn 27. janúar en þá hélt HRFÍ hvolpasýningu í húsnæði félagsins í Hafnarfirði, með íslenskum dómurum og dómaranemum. Tæplega 160 hvolpar á aldrinum 3-9 mánaða voru skráðir til leiks og þar af voru flestir cavalier sem voru samtals 16.

Ágústa Pétursdóttir dæmdi cavalier og besti hvolpur tegundar 3-6 mánaða var Hafnarfjalls Birtu Linda, bestur af gagnstæðu kyni var bróðir hennar Hafnarfjalls Birtu Mói. Í eldri flokki 6-9 mánaða voru það einnig gotsystkini sem báru sigur úr býtum, Mjallar Glanni varð besti hvolpur tegundar og Mjallar Gná besta tík. Mjallar Glanni komst svo í 9 hvolpa úrtak í úrslitum dagsins. Dýrabær gaf verðlaunabikara og þátttökumedalíur.

Nánari úrslit urðu eftirfarandi:

Lesa áfram Hvolpasýning 27. janúar 2024 →

Kynning á dómara deildarsýningar – Judith Echazarra

Fréttir, Viðburðir

I have been in contact with the breed for 25 years, as cavaliers were my family pets when I was a teenager and lived with my mother. I want to the NE in France to look for a quality dog that I loved 20 years ago, when I finished my bachelor degree in Business Administations and Finance.  I fell in love with a small dog and in a very timid way wrote the breeder if she had ever a male I would be interested, without thinking at all on showing.  After a couple of months, as my husband had always shown since he was 14 we decided to show him having our first Champion and going to the NE and getting the RCC. Then he felt the showing attraction, and decided to buy a bitch and a girl, and show her.  And this is what we have done since then, breeding with passion and showing without expecting anything.

Lesa áfram Kynning á dómara deildarsýningar – Judith Echazarra →