Stefnt er á göngu um Grafarvog sunnudaginn 12. mars kl. 12.
Hittumst við Grafarvogskirkju og göngum saman hringinn í kringum Grafarvog, rétt rúmlega 4 km. Ef veður er gott er hægt að bæta við hring upp að Keldum og þá er hringurinn 5 km. Þetta er taumganga, við viljum benda á að flexítaumar eru ekki æskilegir í taumgöngur vegna slysahættu. Munið eftir skítapokum.
Næsta ganga er áætluð sunnudaginn 12. febrúar kl. 12.
Hittumst við Gróttu og göngum meðfram ströndinni í átt að golfvellinum og göngum í kringum hann. Létt ganga á sléttlendi. Allir hundar í taumi, við viljum benda á að flexitaumar eru ekki æskilegir í taumgöngur vegna slysahættu. Munið eftir skítapokum og lóðatíkur eru vinsamlegast beðnar um að halda sig heima.
Síðasta sunnudag hittust nokkrir göngugarpar við Ráðhús Reykjavíkur í dálitlu roki en þó fínasta veðri. Farnir voru tveir hringir í kringum tjörnina og prúðu hundarnir okkar vöktu mikla athygli ferðamanna. Næsta ganga er áætluð 5. febrúar um Seltjarnarnes og vonumst við til þess að sjá sem flesta, en þessar sameiginlegu göngur eru góð umhverfisþjálfun og samvera sem allir njóta góðs af.
Næstkomandi sunnudag, 8. janúar, er komið að fyrstu göngu ársins.
Við hittumst kl. 12 við Ráðhúsið í Reykjavík og göngum í kringum tjörnina einn eða tvo hringi. Allir hundar í taumi, við viljum benda á að flexítaumar eru ekki æskilegir í taumgöngur vegna slysahættu. Munið eftir skítapokunum.
Jólaganga deildarinnar verður næstkomandi sunnudag, 11. desember. Hittumst á bílastæðinu fyrir framan Hafnarfjarðarkirkju og Tónlistarskólann. Taumganga um Hafnarfjörð og endum síðan á því að heimsækja jólaþorpið. Gaman væri ef sem flestir gætu komið í einhverju jólalegu t.d. með jólasveinahúfur, bæði menn og hundar. Í jólaþorpinu er síðan hægt að fá heitt kakó ef kalt er í veðri. Allir hundar í taumi, við viljum benda á að flexítaumar eru ekki æskilegir í taumgöngur vegna slysahættu. Munið eftir skítapokunum.
Hér má sjá viðburðinn á Facebook
Hlökkum til að sjá ykkur sem flest í jólaskapi 🙂
Næsta ganga deildarinnar verður sunnudaginn 16. október.
Við hittumst við kirkjugarðinn í Hafnarfirði kl. 12 og keyrum í samfloti upp að Hvaleyrarvatni og þar fara allir hundar í taum. Gengið er upp að fellinu Stórhöfða sem er aðeins fyrir ofan vatnið og þar getum við sleppt hundunum lausum.
Gangan er svona einn tími en með stoppi getur hún orðið 2 tímar. Gott er að vera í góðum skóm og jafnvel með nesti og vatn fyrir hundana. Munið eftir skítapokum og vatni fyrir hundana.
Við hvetjum ykkur til að mæta í þessar sameiginlegu gönguferðir en þar gefst cavaliereigendum tækifæri til þess að kynnast og hundarnir læra að umgangast aðra hunda.
Viðburðinn á Facebook má sjá með því að smella hér
Hlökkum til að sjá ykkur,
Göngunefnd Cavalierdeildar HRFÍ.
Sunnudaginn 11. september var gengið í Kaldársel og Undirhlíðar. Í gönguna mættu 18 cavalierhundar og 17 tvífætlingar. Veðrið lék svo sannarlega við okkur og var það eins og á góðum sumardegi. Áð var í skógræktarreitnum.
Í göngunni voru cavalierhundar á öllum aldri. Aldursforsetarnir í göngunni voru Eldlukku Ögri sem er 11,6 ára og Drauma Þinur (Tumi) sem er rúmlega 10 ára. Einnig voru tvö dásamleg hvolpaskott með í för en það voru þær Miðkots Tindra 4 mánaða og Eldlukku Sópía 5 mánaða.
Við þökkum öllum fyrir þátttökuna og ánægjulega samveru. Fleiri myndir má sjá með þvi að smella á myndina hér að neðan.
2022
11. september, sunnudagur kl. 12:00 – Kaldársel, Undirhlíðar
Við hittumst við kirkjugarðinn í Hafnarfirði og ökum í samfloti inn í Kaldársel. Þar göngum við inn í skógræktina. Taumganga í fyrstu en síðan lausaganga. Í skógræktinni eru borð og bekkir og því kjörið að hafa nesti með sér. Munið eftir skítapokunum og vatni fyrir hundana.
16. október, sunnudagur kl. 12:00 – Hvaleyrarvatn, Stórhöfði
Við hittumst við kirkjugarðinn í Hafnarfirði og keyrum í samfloti upp að Hvaleyrarvatni og þar fara allir hundar í taum. Gengið er upp að fellinu Stórhöfða sem er aðeins fyrir ofan vatnið og þar getum við sleppt hundunum lausum. Gangan er svona einn tími en með stoppi getur hún orðið 2 tímar. Gott er að vera í góðum skóm og jafnvel með nesti og vatn fyrir hundana. Munið eftir skítapokum og vatni fyrir hundana.
Lok nóvember/ byrjun des., sunnudagur kl. 13:00 – Aðventukaffi – Staðsetning auglýst síðar. Allir koma með eitthvað á sameiginlegt aðventuhlaðborð.
11. desember, sunnudagur kl. 12:00 – Jólaganga í Hafnarfirði
Hittumst á bílastæðinu fyrir framan Hafnarfjarðarkirkju og Tónlistarskólann. Taumganga um Hafnarfjörð og endum síðan á því að heimsækja jólaþorpið. Gaman væri ef sem flestir gætu komið í einhverju jólalegu t.d. með jólasveinahúfur, bæði menn og hundar. Í jólaþorpinu er síðan hægt að fá heitt kakó ef kalt er í veðri. Allir hundar í taumi, við viljum benda á að flexítaumar eru ekki æskilegir í taumgöngur vegna slysahættu. Munið eftir skítapokunum.
Cavalierdeild HRFÍ 