Allar færslur eftir Cavalier HRFI

Alþjóðleg haustsýning 9. október 2022

Úrslit sýninga, Fréttir

Hundaræktarfélag Íslands hélt alþjóðlega sýningu í Samskipahöll Sprettara í Kópavogi nú um helgina og voru 53 cavalier hundar skráðir en 4 mættu ekki. Torbjörn Skaar frá Svíþjóð dæmdi og mættir voru 10 hvolpar, 18 rakkar og 21 tík. Deildin gaf eignarbikara fyrir besta ungliða, bestu tík og besta rakka og Þórshamrar ræktun gaf bikar og medalíur fyrir hvolpa.

BOB og BOS – Eldlukku Frán Þulu Lukka og Eldlukku Ljúfi Bruno

Besti hundur tegundar var Eldlukku Frán Þulu Lukka með íslenskt og alþjóðlegt meistarastig. Þetta var hennar þriðja íslenska stig og er hún því orðin íslenskur meistari. Í úrslitum dagsins náði hún svo í 8 hunda úrtak í tegundahópi 9.

Besti hundur af gagnstæðu kyni var Eldlukku Ljúfi Bruno sem einnig var besti ungliði tegundar. Hann fékk ungliðameistarastig og íslenskt meistarastig en er of ungur fyrir alþjóðlega stigið, það færðist því til Hafnarfjalls Selmu Jökuls sem var annar besti rakki. Bruno náði síðan glæsilegum árangri í úrslitum um besta ungliða sýningar og landaði þar 2. sæti.

Besta ungliðatík var Eldlukku Ögra Mandla, besti hvolpur tegundar 4-6 mánaða var Þórshamrar Freyju Jón Skuggi og af gagnstæðu kyni Snjallar Kastaní Björt á brá.

Ræktunarhópur Hafnarfjalls ræktunar náði í 6 hópa úrtak í úrslitum dagsins.

Hér að neðan eru nánari úrslit:

Lesa áfram Alþjóðleg haustsýning 9. október 2022 →

Aðstoð á sýningu – Öll hjálp vel þegin

Fréttir

Um komandi helgi, 8 – 9 nóvember, er Alþjóðleg sýning HRFÍ og bráðvantar sjálfboðaliða í hin ýmsu hlutverk yfir helgina.

Sjálfboðaliðar frá okkar deild hafa verið duglegir að taka að sér verkefni og erum við viss um að það verði einnig nú enda er sagt að margar hendur vinna létt verk og því munar um hvert viðvik.

Það geta allir aðstoðað þurfa ekkert að vera með hund á sýningunni. Bara hafa áhuga og gaman að því að umgangast hunda og fólk og vilja gleðja.

Hér fyrir neðan eru tvö skjöl þar sem hægt er að sjá hvaða verkefni þurfa að vinnast og er ýmislegt er í boði.

Uppsetning og niðurrif sýningar: https://hrfi.sharepoint.com/:x:/g/EUD5vDSDBKdMte78OVjBvVMB1k74gi4ZI9J8PuEel7k7dQ?rtime=nfP-Jaam2kg

Önnur aðstoð á sýningunni:
https://hrfi.sharepoint.com/:x:/g/Ef_dkCGVGiRLp1bmoFuhbxAB78a3VCriz9vIUe2YB-i1IA?e=xwJYdg&fbclid=IwAR2uEzHMvWG2pbQcB5yMib8h8HjCqL28FvFcqBKtIp3O4c2syK1Ub-BM0EQ

Vonumst við til og biðlum til félagsmanna Cavalierdeildarinnar að þeir hjálpi til við þessa sýningu líkt og við aðrar sýningar

Hlökkum til að sjá ykkur á sýningunni !

6. Stjórnarfundur Cavalierdeildar HRFÍ 1. september 2022.

Fundargerðir

Staðsetning: Spíran Garðheimum.  

Mættar: Anna Þ Bachmann, Gerður Steinarsdóttir, Sunna Gautadóttir og Valka Jónsdóttir

Fjarverandi: Svanhvít Sæmundsdóttir.

Fundur hófst 17.15

Dagskrá:

• Verkefnalisti – farið yfir stöðu verkefna sem skipt var niður á stjórnarmenn. 

• Geymsla mynda af sýningum. 

Lesa áfram 6. Stjórnarfundur Cavalierdeildar HRFÍ 1. september 2022. →

Ganga í Kaldársel og Undirhlíðar

Fréttir, Göngur

Sunnudaginn 11. september var gengið í Kaldársel og Undirhlíðar. Í gönguna mættu 18 cavalierhundar og 17 tvífætlingar. Veðrið lék svo sannarlega við okkur og var það eins og á góðum sumardegi. Áð var í skógræktarreitnum.

Í göngunni voru cavalierhundar á öllum aldri. Aldursforsetarnir í göngunni voru Eldlukku Ögri sem er 11,6 ára og Drauma Þinur (Tumi) sem er rúmlega 10 ára. Einnig voru tvö dásamleg hvolpaskott með í för en það voru þær Miðkots Tindra 4 mánaða og Eldlukku Sópía 5 mánaða.

Við þökkum öllum fyrir þátttökuna og ánægjulega samveru. Fleiri myndir má sjá með þvi að smella á myndina hér að neðan.

Hjartaskoðun 12. september

Fréttir

Cavalierdeildin stendur fyrir hjartaskoðun mánudaginn 12. september, í samstarfi við Steinunni Geirsdóttur dýralækni sem mun gefa út hjartavottorð.

Skoðunin fer fram frá kl. 16, á Lækjargötu 34 b í Hafnarfirði. Verð fyrir einn hund er 4.000 kr. en 3.500 kr. fyrir tvo eða fleiri, greitt á staðnum.

Tímapantanir hjá Gerði í síma 6620515 eða með tölvupósti á cavalierdeildinhrfi@gmail.com.

Markmiðið er að fá sem flesta hunda 2 ára og eldri í skoðun. Eigendur hunda sem þegar hafa greinst með míturmurr geta einnig notað þetta tækifæri til að fylgjast með hvort ástand hundanna er svipað eða hefur versnað.

Ræktendur athugið að vottorð undaneldisdýra yngri en 5 ára mega ekki vera eldri en 6 mánaða við pörun og foreldrar undaneldisdýra skulu vera með hreint hjarta 4 ára.

5. stjórnarfundur Cavalierdeildar HRFÍ 11. ágúst 2022

Fréttir, Fundargerðir

Staðsetning: Spíran Garðheimum.  

Mættar: Anna Þ Bachmann, Gerður Steinarsdóttir, Sunna Gautadóttir, Svanhvít Sæmundsdóttir og Valka Jónsdóttir

Fundur hófst 17.15

Dagskrá:

Sýningar framundan:

Ágústsýning sérstaklega 

– Bikarar og medalíur fyrir hvolpa.

– Sýningarþjálfun fyrir ágústsýningu 

– Anna og Gurrý hafa skipulagt þrjár þjálfanir fyrir deildina sem verða á Víðistaðatúni

– Áherslur frá deildarsýningunni, æfing á borði og minna af nammi. 

– Dómaraáætlun frá HRFÍ – eru spennandi dómarar sem við viljum reyna að íhlutast í að dæmi okkar tegund, skoðað var hvort deildin gæti sent inn ábendingar um komandi sýningar.

Deildarsýning 

– Unnið að því að finna húsnæði og dómara fyrir deildarsýningu 2023 . 

– Rætt var um hvað væri heppilegur fjöldi deildarsýninga og voru reyfaðar ýmsar hugmyndir en ekki enn komin niðurstaða. 

Lesa áfram 5. stjórnarfundur Cavalierdeildar HRFÍ 11. ágúst 2022 →