Ársfundur

Fréttir

Ársfundur Cavalierdeildar HRFÍ verður miðvikudaginn 17. mars 2021 kl. 20:00 í húsnæði Hundaræktarfélags Íslands að Síðumúla 15 2.hæð.

Dagskrá;

  1. Öldungur heiðraður
  2. Ársskýrsla 2020 
  3. Ársreikningar
  4. Stjórnarkjör. Um er að ræða þrjú sæti í stjórn.

Vegna aðstæðna biðjum við fundargesta að passa sóttvarnir. Þar sem ekki er hægt að tryggja tveggja metra regluna ráðleggjum við ykkur að mæta með grímur.

Að þessu sinni verður ekki boðið upp á kaffi veitingar eða fræðsluerindi. 

Stjórnin.

Myndir úr febrúargöngu

Myndir

Cavalierdeild tók rýmri sóttvarnarreglum fagnandi og nú verður gönguplanið okkar endurvakið. Fyrsta ganga eftir langa pásu var farin 20. febrúar síðastliðinn, þar voru mættir 6 hressir og kátir hundar ásamt eigendum sínum og skemmtu sér allir konunglega þrátt fyrir rigningu. Gengið var fyrir ofan Rauðavatn, upp á heiðina og komið við í Paradísardal á bakaleiðinni. Þegar smellt er á meðfylgjandi mynd er hægt að skoða fleiri.

Hópskoðun

Fréttir

Hjartaskoðun og DNA próf hjá Cavalierdeild HRFÍ 24. febrúar 2021

Cavalierdeildin auglýsir hjartaskoðun í samstarfi við Steinunni Geirsdóttur dýralækni sem mun gefa út hjartavottorð, einnig mun Steinunn bjóða upp á sýnatöku fyrir DNA próf.

Staðsetning: Lækjargötu 34 b. Hafnarfirði

Tímapantanir hjá Fríðu í síma 696 7806 eða með tölvupósti 

á cavalierdeildinhrfi@gmail.com

Miðvikudaginn 24. febrúar 2021 á milli kl. 17-19 

Verð kr. 3000,- fyrir einn hund en 2500,- fyrir tvo eða fleiri. Verð 2500,- fyrir DNA próf (greitt um leið og skoðað er).

Ferlið við DNA próf er þannig: 

1. Þú kaupir gögn fyrir DNA próf með því að fara inn á eftirfarandi vefslóð hjá þýsku rannsóknastofunni LABOGEN. 

2. Þú prentar út gögnin sem þú færð send með tölvupósti og mætir með í DNA prófið hjá Steinunni. 

3. Steinunn útvegar pinna til sýnatöku 

4. Cavalierdeildin sér um að senda sýnagögnin út til rannsóknar.

Þess má geta að LABOGEN eru með afslátt fyrir ræktendur og selja „kit“ fyrir þessi tvö afbrigði (EF og CC) sem eru skilyrði í okkar tegund. (Combi: Dry Eye Curly Coat + Episodic Falling)

Markmiðið er að fá sem flesta hunda tveggja ára og eldri í skoðun.

Eigendur hunda sem þegar hafa greinst með míturmurr geta einnig notað þetta tækifæri til að fylgjast með ástandi og þróun. 

Kær kveðja,

Stjórnin

Febrúar ganga – Paradísardalur/Rauðavatn

Fréttir

Jæja nú er ætlunin að hefja göngur að nýju og munum við að sjálfsögðu halda okkur innan þeirra reglna sem gilda um sóttvarnir og hvetjum við alla til að fylgja tveggja metra reglunni og hafa grímu ef menn vilja.
Laugardaginn 20. febrúar kl. 12.30 ætlum við að ganga hring fyrir ofan Rauðavatn og upp á heiðina. Þetta er hringur sem liggur um Paradísadal og er áætlað að gangan taki uþb. 2 klst.

Sjá nánar hér https://www.facebook.com/events/451505369384206

Lesa áfram Febrúar ganga – Paradísardalur/Rauðavatn →