Langar klær geta valdið óþægindum og sársauka hjá hundinum þínum og komið í veg fyrir að hann gangi eða standi eðlilega. Mikilvægt er að skoða klær hundsins reglulega og sytta þær ef þarf til að halda fótunum heilbrigðum og án sársauka.
Að fara með hundinn reglulega í gönguferðir á harða fleti eins og gangstéttir mun hjálpa til við að stytta klærnar en það er kannski ekki nóg til að halda þeim eins stuttum og þeir ættu að vera.
Lesa áfram KlóaklippingÞað var fámennt en góðmennt í Seltjarnarnesgöngu deildarinnar á laugardaginn enda veðurspá alls ekki hagstæð mönnum og ferfætlingum. Vonandi verða veðurguðirnir okkur hliðhollari í næstu göngu þann 14. október, en þá hittumst við Grafarvogskirkju og göngum niður í voginn og göngum í kringum Grafarvog. Hlökkum til að sjá ykkur sem flest.Göngunefndin.
Fundur haldinn í Heiðnabergi þann 14. september 2021 kl. 19.30
Mættar: Gerður Steinarrsdóttir, Svanhvít Sæmundsdóttir, Valka Jónsdóttir.
Dagskrá:
Stundum geta spenntir hundar allt í einu staðið kyrrir og byrja að gefa mjög hátt þefhljóð/gaggandi hljóð aftur og aftur eins og þeir séu að kafna og eigi erfitt með andardrátt.
Í cavalier heiminum er þetta þekkt sem „Cavalier Snort“ eða „Reverse sneeze“. Hér má finna myndband sem sýnir þessi einkenni hjá Cavalier. Þetta einkenni finnst hjá mörgum hundategundum en er þó algengara hjá hundategundum með styttra trýni.
Það sem gerist er að í stað þess að loft fari út um nef þegar hundurinn hnerrar þá fer loft snögglega inn í öndunarfærin í öfugum hnerra.
Ástæður eru yfirleitt einhver spenna eða breytingar í umhverfi hundsins sem kemur þessu af stað. Mikilvægt að eigendur haldi ró sinni því áhyggjur eiganda getur ýtt undir að öfugur hnerri aukist eða viðhaldist í lengri tíma.
Lesa áfram Öfugur hnerri – hvað er það?Fundur haldinn á Teams þann 23. ágúst 2021 kl. 16.00
Mættar: Gerður Steinarrsdóttir, Svanhvít Sæmundsdóttir, Valka Jónsdóttir.
Dagskrá:
Fimmtudaginn 26. ágúst var sumarskemmtun þ.e. ganga og grill í Sólheimakoti.
Þar hittust um 40 hundar og eigendur þeirra sem voru einnig um 40 manns.
Veðrið var þurrt en dumbungur og aðeins blés þannig að hár og grös bærðust. Genginn var stuttur hringur þar sem margir hundar fengu að hlaupa um lausir. Þarna mátti sjá hunda á öllum aldri eða frá 3 mánaða og upp úr.
Eftir göngu setti fólk sitt hvað á grillið og naut samverunnar við fólk og hunda. Þökkum við kærlega fyrir hversu margir sáu sér fært að mæta og þessa skemmtilegu stund.
Lesa áfram Takk fyrir komuna í gönguna í SólheimakotiHaldin var tvöföld ágústsýning helgina 21. og 22. ágúst á Víðistaðatúni í Hafnarfirði og í Víðidal í Reykjavík eftir langt hlé eða rúmlega eitt og hálft ár sökum Covid19. Tilhlökkun var mikil hjá ræktendum og eigendum hunda. Það sýndi sig, því alls voru 107 Cavalierar skráðir á þessar tvær sýningar sem er næst mesti fjöldi skráninga hjá einni tegund þessa helgina. Vel gert!!
Tegundin uppskar líka tvo nýja meistara þessa helgina og einn juniormeistara sem er aldeilis fínn árangur.
Hér má sjá úrslit frá Reykjavík Winner og NKU sýningunni sem haldin var 21. ágúst 2021
Hér má sjá úrslit frá Alþjóðlegu sýningunni sem haldin var 22. ágúst 2021
Úrslit frá Alþjóðlegri sýningu HRFÍ 22. ágúst 2021 á Víðistaðatúni og í Víðidal.
Sunnudaginn 22. ágúst var haldin Alþjóðleg sýning HRFÍ á Víðistaðatúni og í Viðidalnum. Alls voru 927 hundar skráðir. 54 cavalierar voru skráðir og þar af 5 hvolpar en þrír hundar og einn hvolpur mættu ekki. Eins og fyrri daginn var cavalierinn sýndur í Víðidalnum. Þrátt fyrir rigningarspá þá hélst hann nánast þurr á meðan cavalierinn var sýndur. Dómari var Svein E: Bjørnes frá Danmörku.
Lesa áfram Alþjóðleg sýning 22. ágúst 2021
Cavalierdeild HRFÍ 