Þá er komið að næstu göngu deildarinnar.

Við ætlum að hittast sunnudaginn 27. júní kl. 12:00 við kirkjugarðinn í Hafnarfirði og ökum svo saman í samfloti í Heiðmörk. Þaðan göngum við að Búrfelli.

Þetta er taumganga en munið eftir skítapokum.

Hlökkum til að sjá sem flesta!

Cavalierdeildin stendur fyrir málstofu 14. júní nk. sem hefst kl. 18.00 undir yfirskriftinni „Hvert stefnum við“.  Hún er opin öllum félagsmönnum deildarinnar. Málstofan verður haldin á skrifstofu HRFÍ, Síðumúla 15.

Með samtakamætti getum við náð því göfuga markmiði að gera deildina þá bestu innan HRFÍ, þar sem ræktun tegundarinnar er stunduð af alvöru og ábyrgð með heilsu og vellíðan dýranna og afkvæmanna fyrir brjósti. Deildin búi yfir haldgóðri þekkingu á heilsufari og sinni fræðsluskyldu sinni vel. Ekki má gleyma mikilvægu félagslegu hlutverki deildarinnar. 

Cavalierdeildin auglýsir hjartaskoðun í samstarfi við Helgu Finnsdóttur dýralækni.

Staðsetning: Akureyri 16. júní 2021.

Tímapantanir og nánari upplýsingar um nákvæmari staðsetningu og verð fást hjá Helgu í síma 553 7107 á viðtalstíma milli kl. 10.00 – 11.00 alla virka daga.

Markmiðið er að fá sem felsta hunda tveggja ára og eldri í hjartaskoðun.

Eigendur hunda sem þegar hafa greinst með míturmurr geta einnig notað þetta tækifæri til að fygljast með hvort ástand hundanna er svipað eða hefur versnað.

Ræktendur athugið að :

• hjartavottorð undaneldisdýra mega ekki vera eldri en 6 mánaða við pörun og
• foreldrar undaneldisdýra verða að vera með hreint hjarta við 4 ára aldur.

kær kveðja, stjórnin